Newel me a Ann Whitney a Mesa Profet Joseph

Ann me a Newel Whitney a mlarngii a stouang er tir el ngara Kirtland, Ohio. A Ann a mlukeroul el dimlak lomais el mora Ikelesia a lechub losuub el kirel a Rubak, eng di mle soal mo medengei el Kirel. Uriul er a bol bechiil ngii me a Newel, e te mlo betok loluluuch lolengit er a Rubak me bo longetikaik er tir.

Resanto, 1:111–12

Tara klebesei er a loluluuch, ea Ann me a Newel a milsa ues. Chelsel tial ues, ea iabed a mle er a bebul a blirir. Te mlo melchesuar a Reng er a Dios. A iabed a miliuekl er tir. Te rirrengesii a ngor el mla er a babeluades. Ng dilu er tir el kmo, “Bo mongedmokl el mo nguu a tekingel a Rubak, eleng meremang.”

Resanto, 1:111

Chelsel a telkib el taem, ea Parley Pratt a mlei er a Kirtland. Ngii ma rulbengkel a ulsisechakl er a ebangkelio er a Jesus Kristo. A Ann er a rrenges a ikal lulisechakl eng di mle mereched, el mo medengei el kmo ng klemerang. Ng mlo remei e ouchais er tial chais el mo er a Newel. Me te miltecholb.

Resanto, 1:112

Uriul er a erul buil, ea tal sechal me a redil a mlei er tial stouang er a Newel. A Newel a dimlak lodengelterir, eng di ngkal sechal a mle aksiub er a chimal a Newel e ulemekedong er a ngklel a Newel. Ngkal chad a dilu, “Ngak a Joseph el profet.” Ng silodii el kmo a Rubak ulenger er a nglunguchel a Newel. Ngii a uldureklii a Emma me a Joseph el mo omes er a Ann me a Newel.

Resanto, 1:113

Newel me a Ann a mlo medengei el kmo tial ues er tir a mocha merang. Te ulengit er a Joseph me a Emma me bol kiei lobengterir er a blirir. Ann me a Newel a mle betik a rengrir er a Jesus me a ebangkelio er Ngii. Te uldars a ikel rokui er tir el mo er a re Santo me a Ikelesia er a Osobel.

Doctrine and Covenants 38:23–27, 34–42; Resanto, 1:114