“Okedecherul a Kirtland Templo,” Cheldecheduch er a Doctrine and Covenants (2024)
“Okedecherul a Kirtland Templo,” Cheldecheduch er a Doctrine and Covenants
December 1832–March 1836
Okedecherul a Kirkland Templo
Tokubets el blil a Rubak
A Rubak a dilu er a Joseph Smith el mko ng mla mo taem el re Santo a mo omekedechor er a tokubets el blai el ngara Kirtland. Tial blai a mo templo, el basio el Rubak a mo oldingel er a Rechedal e meruul a yaksok lobengterir. Ng mo mesterir a tokubets el sengk er a chelsel a templo er Ngii. Ng omekedong er tial sengk el klisiich er a endowment.
Doctrine and Covenants 88:119; 95:8; Resanto, 1:205
A re Santo a dimlak el dil mereched el mo omekedechor er a templo. Uriul er a sesei el buil, ea Rubak ulmeklatk er tir el kmo a templo a kmal klou a ultutelel. A Hyrum Smith a rirurt el mo er a blil a demal me a delal el mo melai a dongu. A delal er a loker er ngii el kmo ng mor, eng dilu ng soal el mo kot el chad el mo oureor er a blil a Rubak.
Doctrine and Covenants 95:1–8
A re Santo el ngara Kirtland a mocha omekedechor e ra templo. Ng ulusbech a betok el udoud e mle meringel a urerel. A rechedal a Ikelesia el uai a Sidney Rigdon a chiloit a betok el udoud el mo omekedechor er a templo. Ng mle ungil a rengrir el mo oltirakl a llechul a Dios e mo ngmai a klengeltengat er Ngii er a chelsel a Blil.
Resanto, 1:209–211
Me sera re Santo loureor er a templo, eng mocha merael mo diak a ududir. Sidney me a rebebil er a merredel er a Ikelesia a mle bekikl. Sidney a miluluuch el mo er a Dios lolengit a ngeseu.
Resanto, 1:210–11
A chad er a Ikelesia el ngklel a Caroline Tippets me a telungalek er ngii a chiludel a betok el udoud. A Caroline a milcherei a Ikelesia meng omed a ududir el mo olngeseu lomekedechor er a templo.
Resanto, 1:211–13
Betok re Santo el ngara Kirtland a mle meringel loureor el lomekedechor er a templo. A bebil a ulmekall a kareta el mui er a bad el mo er a templo. A rebebil a miruul a bail me a kall el kirir a rechad er a ureor. Rengalek el mengudel a blebeu el butiliang el mo meritech e melecha kboub er a templo meng mo mengeldoech e medidiich sel metuiich er a sils.
Resanto, 1:210, 219, 221
Me a templo a mocha merek! A re Santo a mle semeriar el mo soiseb er a blil a Rubak el mo ngmai a klengeltengat el Ngii a mle yaksok er tir.
Resanto, 1:221