Diak a Ulebengelel Chebechiil me a re Telungalek

Sera Emma me a Joseph bol bechiil, e tuluumerang el kmo a chebechielir a mo merek sel bora kodall. Tiaikid a mle teletelel a chelebechiil. Engdi a Rubak a dilu er a Joseph el kmo a chebechiil me a re telungalek a sebechel ngarngii el mo cherechar.

Santo, 1:413

A Rubak a ulsisechakl er a Joseph el kirel a chebechiil el diak a ulebengelel. Ngokiu a klisichel a priesthood, ea sechal me a redil a sebechir el kudmeklii a telbiil lobengkel a Rubak. Sel lurrekodel a telbilir, ea Rubak a yaksok el kmo a chebechielir a di ngarngii el mo cherechar. Tia okedongall el kmo ng mla merenged. Di mle mereched, ea Joseph me a Emma a mlo merenged el diak a ulebengelel.

Doctrine and Covenants 132:7, 19–24; Santo, 1:413, 432–33, 481–82, 492, 502–3

A Joseph a mlo medengei el kmo a sechal me a redil sel merenged, ea rengelekir a sebechir el mo merenged el mo er tir. E leng klisichel a Jesus Kristo, ea telungalek er tir a sebechel ngarngii el mo cherechar. Sera Joseph louchais er a re Santo el kirel tial klengeltengat, e te meral mlo ungil a rengrir! Te meral mle sorir el mereched el mo dmak e merenged.

Doctrine and Covenants 131:2; 132:6–7; Santo, 1:492–93, 580

A uriul ea Rubak a ulsisechakl el kmo a omerenged a kirel mekedmokl er a chelsel a templo. A re Santo a mle meringel loureor el merkui er a templo me bol sebechir el mo dmak e merenged. Sera bol merek a templo, e te betok el telungalek a mlo merenged. Te dirrek el mlo merenged lobengterir a rechad er a blirir el mla mad. Te mel mui er a saul el kirel tial klengeltengat!

Santo, 1:579–80