Susa Young Gates me a Joseph F. Smith

A Susa Young Gates a mle ngelekel a Brigham Young el redil. Ng milchel er a Utah e mlukerool er sei. Ng mle soal meluches, e mle soal el mesiou er a Ikelesia ra Rubak.

Re Santo , 3:9–10 , 64

A Susa sera le klou el redil, ng kmal mlo smecher. Ngulengit ra klengeltengat er a priesthood. Ngar tial klengeltengat, ea Rubak a dilu ra Susa el Ngii a soal a bo longetmokl a ureor ra templo.

Re Santo , 3:193–94

Nguriul ra klengeltengat, ea Susa a mlo mesisiich. Ng iloit a temel el mesuub el kirel a reksii er a telungalk er ngii. Sera bol betik er a rechedal a telungalk er ngii el mla mad e direkak el metecholb, eng mlora templo el mlo metecholb el kirir. Ng mle soal louchais el mora rechad el kirel a ureor ra reksii er a telungalk. Ng klengit el reng, le te betok el chad a dimlak el sorir.

Re Santo , 3:194–95 , 206

A tara klebesei, a Susa a mlo oldingel ra sechelei el Joseph F. Smith, el President of the Church. A President Smith a mlamo telal sandei el secher. A Susa a mle medengei el kmong dirrek el mekngit a rengul le ngelekel sechal a mlad. Ng mle mekngit a rengul ra bebil ra tekoi el ngarngii ra beluulchad el dirrek, el ua mekemad ma secher.

Re Santo , 3:197–99 , 205–6

Ngdi Susa ra bol dengchokl ngii ma President Smith, eng mle semeriar el mengedecheduch er ngii. Ng silbedii a Susa el kmo a Dios a mla msang a ileakl el ues. Ng kirel a belurir a redeleb, el rechad a morengii ra uriul ra le mad. A ues lilsang a mlo lechukl e ra babier. A President Smith a ngiluu el msang a Susa e ulengit er ngii mel iuii.

Re Santo , 3:206–7

A Susa a menguiu ersel babier. Ng kmul kmo a Jesus Kristo a mlo oldingel ersel belurir a redeleb. Ngii a ulderklii a Adam, Eve, me a re bebil ra re mekedung el sechal ma redil elmo olisechakl ra re deleb el dimlak el nguu a ebangkelio sera le ngar. Te mlo olengeseu er tirkal deleb mel keltmokl me bol sebechir a rechad elmo metecholb el kirir ra templo.

Doctrine and Covenants 138:11–19, 29–48 ; Re Santo , 3:206–7

Susa a kmal mlo omal e ra rengul ra le iuii tial lilsang a President Smith. A President Smith omes er ngii el klikmechur. “Susa,”ng melekoi, “kau a mengetmokl ra klou el lureor.” Ng dilu er ngii el kmong betik a rengul er ngii el kirel a klaumerang er ngii ra Rubak.

Re Santo , 3:206

A Susa a miluches el kirel sel locholt e ra babilngel. “Oh, ng mle ungil ra renguk!” ng melekoi. Ng kmal leko dil mereched el louchais e ra re sechelil me a rechedal a Ikelesia el kirel. Ng medengei ersel lilsang a President Smith a mo ngosuterir a re Santo elmo semeriar elmo meruul a ureor ra templo el kirir tirkel ngara belurir a redeleb.

Re Santo , 3:207