Parley Olengit a Klausubes

Sera bol temel a Thankful me a Parley el mo omechell er a ngelekir el tolechoi, e te mlo remei el mlara mision er tir er a Canada. Ng mlo ngarngii a mesisiich a bedengel tolechoi sechal el ngelekir el di uaisel Rubak a mle yaksok er tir.

Resanto, 1:270

Ng klengiterreng, a Thankful a mlad ruriul er a sesei sikang er a lemechell a tolechoi. Parley a mle medengei el diak el sebechel el mo omekerreu er a tolechoi a lak a delal. Ngulengit er a redil el ngara Kirtland el mo omekerreu er a tolechoi e ngii a lmuut el mo er a Canada el mo merekui er a mision er ngii.

Resanto, 1:270

Ngara Kirtland, a Joseph Smith a milchelii a bangk el mo mengudel a udoud el kirel a urerel a Dios. Ngulengit er a rechad mel becherei a bangk mel lousbech a ududir me a rebebil bol sebecherir el meleng. Eng di, betok el tekoi a uchul, e tial bangk a di mle ngesonges a udoud er ngii meng kirel mo mechesimer. A bebil er a bangk el ngara beluu er a Merikel a dirrek el mlo chemau a ringel.

Resanto, 1:260–61, 264–68

Ng mlo meringel a klengar er a re Santo. A bebil a mlo diak a urerir e mocha diak a ududir el omechar a kall me a bail. A bebil er a rechad a ngilasech a rengrir er a Joseph, me a dirrek rekmeed er ngii el sechelil. Te ulmedasu el Joseph a diak el merang el profet e le tial bangk a dimlak bo el ungil remurt.

Resanto, 1:264–68, 272–275

Meng uaisei tial teletael, a Parley a mle remei el ngara mision er ngii. Tial mondai er a bangk a dirrek el rirellii a klengar er a Parely el mo meringel. Ng mlo ngesonges a ududel meng mlo diak el sebechel harau er a blil, meng mlo diak a basio el sebechel kiei er ngii.

Resanto, 1:270–71

Me chelechang a Parley meng dirrek el mla ngmasech a rengul er a Joseph. Ng lilechesii a babier el mo er a Joseph. Nguluchais er a Joseph el kmo ng dirk oumerang er a Babier er a Mormon. Eng di ng dirrek el dilu mekngit el tekoi el kirel a Profet. Ng dilu er a Joseph el kmo ng dimlak el kirel lomuchel er a bangk sera kot luchul.

Resanto, 1:271

Uriul, a bebil er a resechelil a Parley el mla er a Canada a mlei er a Kirtland. A Parley a ulsisechakl er a ebangkelio el mo er tir, me te mle ungil a rengrir el lmuut el mo mesang.

Resanto, 1:279–80

Ng mlo mechas a rengrir el kmo a Parley me a rebetok el chad a mla remiid a klaumera er tir el kmo a Joesph Smith a profet.

Resanto, 1:279–80

A tara sechelil a Parely el mla er a Canada a John Taylor. A Parley er a lesang, eng ulechais er a John el kmo ng kmal kesib a rengul el kirel a Joseph Smith. Ng dilu er a John meng diak el luut el oltirakl er a Joseph.

Resanto, 1:280

A John a ulmeklatk er a Parley el kmo sera le ngara Canada, ea Parely a ulechais er a klaumera er ngii el kmo a Joseph Smith a mera el profet. “Me chelechang ea kubang a osisiu el klaumerang,” a John milekoi. “A lsekum a ureor a mle klemerang er a ikal mla mo merek el elolem el buil, eng klemerang er a chelechal taem. A lsekum a Joseph Smith a mle profet er sel taem, e ngii a profet er a chelechang.”

Resanto, 1:280

A Parley mle medengei el kmo a sechelil er a John a mle melemalt. Ng mlo diak el soal sel teletelel sera lechesii sel babier el mo er a Joseph. Ng mle medengei el kmo a Joseph a milasem el mo er sel kot el tkul rebab el sebechel el mo meruul er a urerel a Rubak. A mondai el kirel a bangk a dimlak el belkul a kmo a Joseph a diak el mera el profet er a Jesus Kristo.

Resanto, 1:283

A Parley mlo er a blil a Joseph. Ng dilu er a Joseph el kmo ng kmal mlo mekngit el kirel a ikel mekngit el tekoi el dilung. A Joseph a uluusubes er a Parley, e miluluuch el kirel, e ulmekngeltengat er ngii. A Parely mlo mesiou a betok el mision e ulechais er a rechad el meliuekl er a beluulechad el kmo a Joseph Smith a profet er a Rubak.

Doctrine and Covenants 64:7–11; Resanto, 1:283