Kirel a Doctrine and Covenants

A Rubak a lmuut el melekoi

A Jesus Kristo a dumeang el mora rechad er a uodel el Merikel.

A Demad er a Babeluades a betik a rengul er kid. Ngii a soal kid a de ketmokl a telbiled, malechub a yaksok,el Lobengkel me bol Sebechel lomekngeltengat er kid. Ngii a uldureklii a Ngelekel, Jesus Kristo, elmo Osebeled e olngeseu er kid el lmuut elmo er Ngii.

A profet ra uodel a meluches e ra babier.

A Dios a dirrek el loldurokl e ra re profet el mel lolsisechakl er kid el kirel a Jesus Kristo me a Lechul. A re profet a mesiou ra Jesus Kristo e olengeseu el lomekrael e ra Ikelesia er Ngii.

Moses el loreked a ikel Teruicch el Llach.

A Jesus a melekoi ra re profet el kmo ngerang e bol lolsisechakl er kid. A tekingir a re profet e ra memong a lechukl e ra chedaol lechukl eldi uai ea Bibelia me a Babier ra Mormon.

A Joseph Smith a melbedebek el ngera el klebechel el klechelid a bo loltirakl er ngii.

Ng mlo betok el rak e ra uriul ra Jesus ra le ngara beluulechad, ng dimlak a re profet. A rechad a dimlak el longetmokl e loltirakl a telbiil lobengkel a Dios. A Ikelesia ra Jesus Kristo a dimlak el ngara beluulechad.

A Demad ra Babeluades ma Jesus Kristo a mlo duum er ngii.

Ngdi a Dios a milkidongii a Joseph Smith elmo profet. A Joseph a kmal direke a ngeasek el chad, ngdi Dios a mla rengii a klou el tekoi el kirel ngii a mo mengetmokl.

A rechad a ululdars imorir el lolterkokl e ra Joseph ma Oliver el mengeteklel a Ikelesia.

A Joseph Smith a ulsisechakl el kirel a Jesus. Ngii a ulengeseu el mengederodel e ra Ikelesia ra Jesus. A Jesus a ulsisechakl ra Joseph Smith e ra ebangkelio er Ngii e mekerang a longederedel e ra Ikelesia er Ngii.

A telungalk a menguiu e ra Doctrine and Covenants.

Betok el tekoi el Jesus a uleuchais ra Joseph Smith a lechukl e ra Doctrine and Covenants. A Doctrine and Covenants a babier ra chedaol lechukl eldu ua Bibelia me a Babier ra Mormon.

Betok el siasing e lolcholt el kmo te mekerang a rechad el mlamo omelchesiu el kirel a Doctrine and Covenants.

Doctrine and Covenants el Cheldecheduch a ouchais el mekerang a Jesus ra luut el nguu, malechub eng irengelii, a Ikelesia er Ngii, lokiu ra ngelseuil a Profet Joseph Smith ma re bebil. Rechedal a Ikelesia a okodongall el Santo. A ikal cheldecheduch a olecholt el kmo a Dios a betik a rengul ra Rengelekel el rokui el meliuekl ra beluulechad. Ngii a yaksok el mo omekngeltengat er kid sel doltirakl a ble de yaksok el mo er Ngii.