Llach el Kirel a Ulekerreuil a Bedenged

Joseph Smith a mle siotai er a bebil er a resechal er a Ikelesia el mo oumiting lobengkel er sel ngarbab chelibel er a stouang er a Newel me a Ann Whitney. Tiaikid e te mesuub er a ebangkelio me a bebil er a tekoi er a omesuub, e dmak el meluluuch el cheldebechel. Te ulmekedong a ikal miting el Skulir a re Profet.

Doctrine and Covenants 88:117–137; Resanto, 1:166

Betok er tirkal sechal a meloko e melamech a dekool sel temel a omesuub. Ng mle mengchat, ea ulaol a di besbesiil er a dekool. Uriul er a miting, a Emma Smith a mlo rebab el mo mengedmokl er tial delmerab. Ng meral mle kikiongel!

Resanto, 1:167

A Emma blak a rengul melatech er a ulaol, eng di ng diak el sebechel mengai aikal cheiisch er a dekool. Ng milngedecheduch er a Joseph el kirel tial kikiongel el delmerab.

Resanto, 1:167

Joseph a ulerrenges er a Emma. Sera lorrenges er ngii a rirellii el mo omedasu el kmo a Rubak ngera uldesuel el kirel a dekool.

Resanto, 1:167

Me a Joseph mocha oker er a Rubak el kirel a dekool. A Rubak a dilu er a Joseph el kmo ngarngii a Llach el Kirel a Ulekerreuil a Bedenged el mora re Santo.

Doctrine and Covenants 89:1–9; Resanto, 1:167

A Rubak a dilu el kmo a re Santo a diak el kirir el meloko, ousbech a dekool, a lechub lolim a rom a lechub a “mekeal el ilumel,” el ngii a kohi me a tii.

Doctrine and Covenants 89:1–9; Resanto, 1:167

A Rubak a dirrek lulisechakl er a re Santo el kmo a grains me a rodech a ungil longang. Ng dirrek el dilu ng sebechir el mengang a tech er a charm sel bebil er a taem.

Doctrine and Covenants 89:10–17; Resanto, 1:168

A Rubak a dilu er a Joseph el kmo a re Santo el melilt el mo oltirakl er a Llechul el Kirel a Ulekerreuil a Bedenged a mo selbechakl. A Rubak a mle yaksok el mo omekngeltengat er tir el mo mesisiich a bedengir, mellomes a rengrir, e mesisiich. A Joseph a ulechais er tirkal sechal el ngara Skulir a re Profet el kirel a Llach el Kirel a Ulekerreuil a Bedenged er a Rubak.

Doctrine and Covenants 89:18–21; Resanto, 1:168

Tirkal sechal ngara chelsel a delmerab a chiloit a dekolir me a klekedelel a omeloko el mor a chelsel a ngau el lolechotel a kmo ng sorir el mo oltirakl er a Llach el Kirel a Ulekerreuil a Bedenged er a Rubak.

Resanto, 1:168