Cheldecheduch er a Chedaol llechukl
Sils er a Omekungil

“Sils er a Omekungil,” cheldecheduch er a Doctrine and Covenants (2024)

“Sils er a Omekungil,” cheldecheduch er aDoctrine and Covenants

April–July 1839

Sils er a Omekungil

Omekngeltengat er a smecher loba klisichel a Dios

A chad el mengkar er a kelbus a mengedecheduch er a Joseph Smith.

A Joseph Smith me a rebebil er a merredel er a Ikelesia er a lengara kelbus er a Missouri, ea rebebil mengkar er a kelbus a ngiltiterir el mora tara blil a kelbus. Tirkal mengkar er a kelbus a mle ungil omerellir el mo er tirkal kelbus. A tara klebesei, ea merredel er tirkal mengkar er a kelbus a dilu er a Joseph el kmo ng mo mechiuaiu, ea a lsekum a Joseph me a resechelil a chemiis, eng diak el bol tomer er tir.

Resanto, 1:392–93

Joseph loutkeu er a telungalek er ngii.

Joseph me a tirkal bebil er a merredel er a Ikelesia a chiliis. Te miltik er a telungalek er tir el kiei er a beluu el ngklel a Quincy.

Resanto, 1:395–96

Rechad omesterir a kall me a basio er a ulderuul el mo er a re Santo.

A rechad er a Quincy a mle ungil omerellir el mo er a re Santo. Te milsterir a re Santo a kall ma bail ma basio el bo le kiei er ngii.

Resanto, 1:377

Re Santo lomechelang el meleketek er a Nauvoo.

A re Santo a milreng a saul er a ungil omerellir tirkal chad er a Quincy. Eng di a Joseph a mle ungil medengei el kmo ngkirel ngarngii a basio el kuk di kirir el mo kiei er ngii. A remerredel er a Ikelesia a milchar a bebil er a chutem el dimlak a rechad el sorir, me a re Santo mocha melukl el mong.

Resanto, 1:399–400

Redil lomekerreu er a tara redil ngarngii a malaria er ngii.

Tial chutem a mle kmeed er a klou el omoachel. Ng mle dekims e dechudech e betok a rekas er ngii. A ikal rekas a uchul ma re Santo mlo smecher er tial rakt el malaria. A bebil er tir a mlad.

Resanto, 1:402

Joseph Smith me a Wilford Woodruff a omsa klengeltengat er a priesthood el mora buik el smecher.

Sera Joseph lesterir a betok el rechad el smecher, e ngulengit er a rebebil er a merredel er a Ikelesia me bo lobengkel. A tal tutau, e te mlo omes ra retelungalek, e oldingel er a resmecher e omekngeltengat er tir. Te uluusbech a klisichel a Jesus Kristo el mo omekungil er tir er a secherir.

Resanto, 1:402

Joseph a mengedecheduch er a Elijah Fordham.

A tara chad el blo loldingel er ngii a Elijah Fordham. Ng meral mle smecher, a bechil ulmedasu el kmo ng metkung. A Joseph a uleker er a Elijah el kmo ngarngii a klaumerang er ngii el mo ungil.

Resanto, 1:402

Elijah melekoi er a Joseph el kmo ngarngii a klaumera er ngii el mo ungil.

Elijah dilu, “Ak medakt le kele bla bo lak el sebechek el mo ungil.” Joseph uleker er a Elijah el kmo ng oumera er a Jesus Kristo. “A kuumerang, e Brother Joseph,” ngii a ulenger.

Resanto, 1:402

Elijah el dechor ruriul er a lenguu a klengeltengat er a priesthood.

Joseph a ulmekngeltengat er ngii loba ngklel a Jesus Kristo. Elijah mlo dechor. A Jesus a mla omekungil er ngii! Elijah a ulkiuellel a Joseph el mo er tial blai ngar bitang e ulngeseu er ngii lomekngeltengat er a rebebil el smecher.

Resanto, 1:402–3