Telungalek er a Martin

Helvécio Martins a mlara ureor lomekall elmo remei er a Rio de Janeiro, Brazil. Mle betok a mlai er a rael el diak el sebecherir merael. Helvécio mocha omdasu er a klengar ngii. Ng ungil a urerel. Ng betik a rengul er a bechil, er a Rudá, ma terul rengelekel, er a Marcus me a Marisa. Engdi ng melchesiu el kmo ngarngii a dibus.

Re Santo , 4:229–30

Helvécio a tilobed er a mlai e mocha meluluuch. “Rubak,” ngii a melekoi, “Ak medengei el kmo ke ngar tilchang, engdi ng diak kudengei el kmo ng ker.” Ng kmu er a Demad er a Babeluades el kmo a telungalek er ngii a ngarngii a losiik er ngii, e tousbech er a Ulengeseuil. E merko Helvécio tmuu er a mlil e omekall elmo remei.

Re Santo , 4:230

Uriul, ea Rubak a odurekelterir a re misionari el mlara Merikel. Te mlo oldingel er a telungalek er a Martins. Helvécio mocha melchesuar el kmo te obang a reng ra budech el mora blil. Ng mle medengei, er seikid el taem, el kmo a rechad el mechedelkelk a bedengir a diak el sal lungil a teletael mor tir er a beluu ra Merikel. Ng oker, “A klaumerang er a kemiu eng uangera teletelel mora re Mechedelkelk?”

Re Santo , 4:230–31

A re misionari ouchais el kmo a rokui el ngelekel a Dios a sebechir el metecholb. Eng di seikid el taem, er a re Mechedelkelk el chad ra ruchelir er a Africa a dimlak el sebechir loba priesthood ma lechub lolai a klengeltengat er a templo. Helvécio me a Rudá kmal mlo betok a kerir. A re misionari milasem el longer a rokui.

Re Santo , 4:231

Ng betok el rak, ea re profet a meluluuch el mo medengei el kmong oingerang ea klengeltengat er a priesthood ma templo a sebechel mo ra rechad el rokui.

Re Santo , 4:71

Helvécio me a Rudá a mocha melasm el mora ikelesia. A re Santo kmal lou beltik el reng e ungil a rengrir. A telungalek er a Martins a mle sorir aikel lulsuub er a Ikelesia.

Re Santo , 4:231–32

A tara sils, omerolir mo remei el mlara ikelesia, ea Marcus a kmu er a rechad ra blil el kmo te kora ungil a rengrir. “Ak medengei el kmo ngera uchul,“ a Marcus a melekoi. “Ng ebangkelio er a Jesus Kristo.“ Re bekl el chad er a telungalek a medengei el kmo a Marcus a melekoi a meral tekoi. Te mle tibir elmo metecholb e moterkokl.

Re Santo , 4:232

Mlo merek a telal rak, ea re Santo er a Brazil a mechesang el omkedechor er a templo. A telungalek er a Martins a kmal mle ungil a rengir, engdi te dirrek el mle mekngit a rengrir. Ng mo diak el sebechir el tmuu er a templo ruriul er a le moterkokl. “Lak kobekikl,“ a Helvécio melekoi er a Rudá. “A Rubak a medengei a rokui.“

Re Santo , 4:293–94

Ng dimlak el beot el lolemolm el loumerang. A rechad a ulecherchur er a telungalek er a Martin. Mo lmuut er a sechelirir mete dimlak lodengei el kmo ngera uchul mete ngara Ikelesia. Engdi Helvécio me a telungalek er ngii a medengei el kmo tia Ikelesia er a Jesus Kristo.

Re Santo , 4:251–52

A tara klebesei, ra le berei a Helvécio el mlara ureor, ea Rudá melekoi, “A kulab a chais, omal a rengud el chais!” A uriul ra lolsengerengel ma loluluuch, ea profet, el President Spencer W. Kimball, a ngiluu a ocholt. A Dios el dilu er ngii el kmo ngidil chad, el diak el ior ra iro er ngii, a sebechel ngmai a rokui el klengeltengat e ra priesthood me a templo.

Official Declaration 2 ; Re Santo , 4:318–19

A telungalk ra Martin ma re betok el chad a mlo meketeket el mengiil. Chelechang ea omengiil a merekong! Helvécio ma Marcus a nguu a priesthood. Helvécio, Rudá, me a rengelekir a muak el longalk ra elsel a templo. Te sebecherir er chelechang el ngmai a rokui el klengeltengat e ra ebangkelio.

Re Santo , 4:319–21