A re Knight me a Rebebil a mo Kldibel er a Zion

Polly me a Joseph Knight a kiliei lobengterir a telungalek er tir el ngara New York. Te mle ungil medengelii a Profet Joseph. Uriul er a lesubii a ebangkelio, e te mililt el mo chedal a Ikelesia. A Rubak er a lolengit er a re Santo el mo melukel el mo er a Ohio, ea re Knight a ultirakl.

Doctrine and Covenants 37; Resanto, 1:33, 94, 109–110

A re Knight a kmal mle ungil a rengrir er a lebo er a Ohio. Leman Copley, el chedal a Ikelesia, a dilu el kmo a rebebil er a re Santo a sebechir el mo kiei er a chetemel. Ng klou el basio meng sebechir melalem a dellomel e omekedechor a blai. Joseph Knight me a rengelekel sechal a mle meringel loureor el mengedmokl er tial basio mebol sebechir melalem a dellomel.

Resanto, 1:126–27

Eng di a tara klebesei, ea Leman a mlo ngodech a uldesuel el kirel tial chetemel. Ng mlo diak el soal a re Santo le kiei er ngii. Ng dilu er a re Knight me a rokui el chad me lorael.

Resanto, 1:127

A re Santo a mlo bekikl. Le chelechang eng diak a lebo le kiei er ngii. Te uleker er a Profet Joseph el kmo te mo mekerang.

Doctrine and Covenants 54; Resanto, 1:127

A Rubak a dilu el kmo tirkal Sanot a kirir el mo er a Missouri el mo toketekii a Zion. A Zion a mo beluu el rechedal a Rubak a mo kldibel er ngii. Ngara Zion, e temo mekedecherur a templo el bo loruul a telbiil er ngii, a lechub eng yaksok lobengkel a Dios. Ngii a mo omekngeltengat er tir a lsekum me te mo oltirakl a ikal telbiil. A re Knight a kmal mle semeriar el mo merael.

Doctrine and Covenants 29:1–8; 42:30–36; 45:59–66; 54:6–9; 57:1–2; Resanto, 1:128

Sel omerollir a re Knight el mo er a Missiouri, ea Polly a kmal mlo smecher. A bechil er a, Joseph, me a rengelekel sechal a mlo bekikl el kmo ng di mo kedeb a temel a klengar er ngii. Eng di a Polly a dilu er a telungalek er ngii el kmo ng soal mo er a Zion er a uchei er a lemad. Ng diak a ngodech el soal ng kmal di tiakid e merekong!

Resanto, 1:128

Uriul er a kemanget lomerael, ea re Knight a merma er a Missouri. A Polly a mereng a sulel a Rubak eleng mlo sebechel mesa tial beluu. A re Knight ulmedasu el kmo tia kmal klebokel el beluu. Ng mla er ngii a klaumera er tir el kmo ng sebechir el mo oltirakl er a llechul a Dios el mo toketekiii a Zion er sei.

Resanto, 1:132

A re Santo a miluluuch e milkedongii tial basio el Zion, el rechedal a Rubak a mei er ngii. A Profet Joseph a ngiluu bad loia er a basio el olangch er sel merkelel a templo a mo er ngii. Uriul er a sesei el klebesei, ea Polly a mlad. A Rubak a mle yaksok el kmo tirkel Santo el mlo er a Zion e mad a mo er a babeluades.

Doctrine and Covenants 59:1–2; Resanto, 1:132–33