Joseph me a Sidney a Modechelakl

“Joseph me a Sidney a Modechelakl,” Cheldecheduch er a Doctrine and Covenants (2024)

“Joseph me a Sidney a Modechelakl,” Cheldecheduch er a Doctrine and Covenants

February 1832

Joseph me a Sidney a Modechelakl

Rechad el kesib a rengrir a melasem el merrob er a urelel a profet er a Dios.

Resechal el kesib a rengrir a kadecheduch el ngara bita er a ngau.

Bebil er a rechad a mle sorir a ikel lulisechakl a Joseph Smith el kirel a Chedam er a Babeluades, Jesus Kristo, me a babeluades. Eng di bebil er a rechad a dimlak el sorir a ikal lulisechakl. Rebebil er tir a ngilasech a rengrir e mlo sorir el merrob er a Joseph melak lolisechakl.

Doctrine and Covenants 76; Resanto, 1:149–50

Emma me a Joseph Smith el omekerreu er a smecher el ngelekir el tolechoi.

Tara klebesei, a Joseph a di milkar el mo osoi lolngeseu er a Emma lomekerreu ra tar tirkal rodel el kebtok el ngelekir el tolechoi. Ngkal tolechoi a kmal mle smecher.

Resanto, 1:150

Emma omekerreu er a rengalek ea Joseph a mechiuaiu.

Emma ngiluu a tolechoi e dilu er a Joseph me bo lolengull. Ng kirel mo olisechakl er a tutau. Uriul, e a Joseph me a Emma mocha mechiuaiu.

Resanto, 1:150

Resechal mengurs er a Joseph loltobed er ngii er a blai.

Ng di mle keberul, obok a chesimer, ea delbechelir a rechad el kesib a rengrir a remurt el tmuu er a chelsel a delmerab. A Emma uleldiu er tirkal chad er a lorkedii chimal, ochil, me a cheiul a Joseph. Te kilersii lotebedii er a blai.

Resanto, 1:150–51

Rechad el mengurs er a Joseph ea Sidney Rigdon a mechiuaiu er a bebul a chutem.

A Joseph a milasem el chemiis er tirkal chad, eng di te mle meringel lorreked er ngii. Joseph a mlo medengei el kmo tirkal chad a dirrek lultebedii a sechelil er a Sidney Rigdon er a blil.

Resanto, 1:151

Rechad el melecha kortang me a bsechel a charm er a Joseph.

Tirkal chad a silodel a bilel a Joseph e olechubel a mekeald, e merkereked el kortang er a bedengel ma cheiul. E sola mreked a bsechel a charm er ngii e kor e chemiis.

Resanto, 1:152

Emma me a resechelil lomekerreu er a Joseph me a Sidney.

Uriul er a riid tirkal chad, e a Joseph a milsesibas el mora blil. Emma meral mlo medakt sera lesa Joseph. Resechelirir el kiliei er a bita er tir a rirrenges el kirel tial dilubech me te merret el me olngeseu. Emma kilort a kortang er a bedengel a Joseph. Ng mle tal kesus, el Emma me a resechelil a kaingeseu lomekerreu er a Joseph me a Sidney.

Doctrine and Covenants 25:5; Resanto, 1:153

Joseph lolisechakl el mora cheldellir a re Santo.

Tial bol kukuk, ea Joseph a kmal dirk mengard er a ringel. Eng di ng mlo kudmeklii e mo olisechakl er a rechad el kirel a Jesus Kristo. A bebil er a rechad luldechelakl er ngii a ulerrenges er ngii lolisechakl. Uriul er tial sils, a Joseph a tilbecheterir a retedei el chad. Ng milemolem el meruul er a urerel a Rubak, er a taem el rechad a melasem el merrob er ngii.

Doctrine and Covenants 24:8; Resanto, 1:153