Uldikel er a Missouri

Betok el re Santo a mlei el mo kiei er a Independence, Missouri. A Rubak a mle soal tir a bol teketekii a beluu er a Zion er sei. Eng di a re Santo me a tirkal chad el kiliei er a Independence a dimlak el ta rengrir. Te kautitekangel el kirel a betok el tekoi. Bebil er a rechad er tial beluu a mle kesib a rengrir e mle sorir rulterir tirkal Santo mel tobed el merael.

Doctrine and Covenants 57:1–3; Resanto, 1:171–74

Edward Partridge a mle bisop el ngara Independence. Ng mlo er a miting lobengterir a remerredel er a beluu. Te dilu el kmo a re Santo a kirir tuobed er a Independence. Bisop Partridge a mle medengei el kmo a Dios a mle soal a re Santo bol teketekii a Zion el ngara Independence. Ng dilu a re Santo a diak el sebechir el tuobed.

Resanto, 1:176

Rechad el kesib a rengrir mocha merruud a blai me a omekedecheraol el re Santo a mla omekedechor.

Resanto, 1:177–78, 182

Tirkal chad a ngiluu a Bisop Partridge me a tara chad el ngklel a Charles Allen er a keblirir. Te kilsterir tirkal teru el chad el mo er a belengel a beluu.

Resanto, 1:179

A Bisop Partridge a dilu, “A lsekum eng kirek el mo chuarm el kirel a klechelid er ngak, e tiang di osisiu ma ikel mla meruul el me er ngak ruchei el diak a ngeral rellii.” Tirkal chad a uldbechii a Bisop Partridge me a Charles el mo er a chutem. E ngilai a mekeald el kortang me a bsechel a charm locha er tir.

Resanto, 1:179–80

William McLellin, el chedal a Ikelesia er a Independence, a rirrenges a ikel luruul tirkal chad el kesib a rengrir. Ngii a mlo medakt meng chiliis el mora chelsel oreomel el mo omart er ngii.

Resanto, 1:182

William a ulmedednger el kmo ngera mo dubech a lskekum tirkal chad el kesib a rengrir a metik er ngii. Ng locha mo melemolem el dmu el kmo a Babier er a Mormon a klemerang, a lsekum e te melasem el mo omekeuad er ngii el kirel?

Resanto, 1:182–83

A sechelil a William el Oliver Cowdery me a David Whitmer a miltik er ngii er a chelsel oreomel. William a mle medengei el kmo Oliver me a David a oumera er a Babier er a Mormon. A anghel a ulecholt er tir a ikel kolt e tibereberk el sintsyu. “Ka mouchais er ngak,” a William a uleker er tir, “el kmo a Babier er a Mormon ng klemerang?”

Resanto, 1:183

Oliver me a David a ulechais er a William el kmo a Babier er a Mormon a klemerang. Te dilu el kmo a lsekum tirkel chad el kesib a rengrir a mo melasem el mo omekeuad er tir, eng diak a mo tomer er tir el ouchais a klaumerang er tir el mo er a rechad. “A kuumerang er kemiu,” a William milekoi.

Doctrine and Covenants 17:3–6; Resanto, 1:183