Camp er a Israel

Tirkal Santo el mle kiei er a Independence, Missouri, a ulesbech a ngeseu. Te kmal mle meringel el loureor el lomekdubech er a Zion el uai ikel longtil a Dios. Ngdi re bebil ra rechad er a beluu a dimlak el sorir a le ngar sei. Te rirelterir a re Santo me te mlo imikl a delengcheklir.

Re Santo , 1:195

A Joseph Smith a kiliei ra Kirtland. Ngii a rirengs a ikel dilubech el mora re Santo el ngara Missouri, meng mlo mekngit a rengul. Ngii a miluluuch elmo medengei el kmong mekerang. A Rubak a dilu ra Joseph mel ngititerir a rechad el lobengekl el mora Missouri. Te ulureng ma kaberment el sebechel lolengeseu er a re Santo el lmuut el ngmai a blirir.

Doctrine me a Covenants 103:1–2, 11–20, 30–34 ; Re Santo , 1:195–96

Bekord el dart el chad a kilngei elmo obengkel. A Profet a ulemekedong er tial chelchad el kmo Camp e ra Israel. Te mle semeriar elmo olengeseu ra re Santo el ngara Missouri.

Re Santo , 1:197–99

A Brigham Young me a sechelil ra Heber Kimball a mle chedal tial chelchad. A ngeasek el chad el ngklel a Wilford Woodruff a mlei el mlara New York el molengeseu.

Re Santo , 1:197–98

Lmuut el betok el chad a mlo obengterir er tial camp. Te mirael el tal buil e milobech a meklou el lomeuachel el mora Missouri. Te kmal mle mesaol e meringel a bedengir. Tial kemanget el lomerael a dirrek el rirelterir a re bebil ra rechad el mlo checherd a rengrir. Te direke kirir el merael ra kemangt el lomerael el mora beluu ra Independence.

Re Santo , 1:200–201

Me te melmolm el merael, ea redil a oldiu elmo er tir. Ng melekoi el kmo te ngarngii a resechal el merael elmo omekeuad er tir.

Re Santo , 1:203

Tial Camp er a Israel a mlo lenguul ersel kesus el ngara ked er bebul a omeuachel. Mete melketek ra camp er tir, ea re teim el chad a ngosechang el mong el ngara uos. Te mengelou a ngerir el leko a edei el dart el chad a ngara omrolir elmo oldechelakl ra camp. Te betok el rechedal tial Camp er a Israel a mle bekikl. A Joseph a dilu er tir me bol loumerang el kmo a Dios a mo ngosuterir.

Re Santo , 1:203

Di mle telkib ea yabed a mlo mui ra chedelkelk el etau. Oberaod el chuul a mocha mereberebt. Sel lomeuachel a mirael mengai elmo dmolech. A yolt a ulengkangk a kerekar. A bisebusech a omisebusech er a yabed. A Joseph me a re bebil a miles a mekekerei el ikelesia el sebechir el ngarngii mel selbechakl. Te milngitakl a elitakl el tal kesus. “A Dios a ngar tial yolt!” Joseph a melekoi.

Re Santo , 1:203–4

A yolt a mla tomer ra rechad el mle sorir el loldechelakl er tir. A camp a selbechakl. Ngdi a kaberment a dilu el kmo ngdiak el lolengeseu ra re Santo. A Rubak el dilu ra Joseph el kmo a Camp er a Israel a sebecherir elmo remei. A re Santo a kirir el mekdebechii a Zion sel sekum e te mengeluoleu a lechul a Dios. Ngii a yaksok el Ngii a mo “ou mekemad a odelcheklel a Zion.”

Doctrine me a Covenants 105:1–19 ; Saints , 1:204–5

A re bebil ra rechedal tial camp a ngilasech a rengrir ra rengesii tiang. Te mlo mekngit a rengrir el dikeal sebecherir lou mekemad el kirel a Zion. A re bebil ra rechad a ulemdasu el kmo a Camp er a Israel a mla tmurk. Ngdi a re bebil, el ua Brigham Young, Heber, ma Wilford, a mle dmeu a rengrir er a techall el lobengkel a Prophet Joseph e milsuub er Ngii.

Re Santo , 1:205–6

Nguriul, ea Rubak a dilu ra Joseph Smith me lomekedong ra re Teruich ma terung el Apostol el molngeseu el lomekrael er a Ikelesia er Ngii. Tirkal Apostol a mo tokubets el sioning er a ngklel a Jesus Kristo el mora beluulechad el rokir. Teai er tirkal Teruich ma terung el Apostol a mirael ersel Camp er a Israel. Milesiou el lobengkel a Joseph a ngilsuterir me te milketmokl el kirel tial klou a belkul el lokedong.

Doctrine me a Covenants 18:26–27 ; 107: 23 ; Re Santo , 1:214–17