“Ocholt el mora Emma,” Cheldecheduch er a Doctrine me a Covenants (2024)
“Ocholt el mora Emma,” Cheldecheduch er a Doctrine me a Covenants
Ongeuid el buil1830
Ocholt el mora Emma
Mlengilt er a Rubak el mo meruul a Urerel
A klengar er a Emma me a Joseph a di mle mereched el mengodech. A Rubak a dilu er a Joseph el mo merek lomdasu a urerel a sers. E bai, Joseph a mo chemoit a temel el olisechakl er a rechad el kirel a Jesus Kristo e olngeseu el omekeroul er a Ikelesia er a Rubak.
Doctrine me a Covenants 24:7–9; Santo, 1:96
A Emma mle betok a keril el kirel tial mla mengodech. Ng dimlak lodengei el kmo ngerang mo meruul er chelechang el Joseph a mesiou er a Rubak. Ngii ng dirrek el mo olngeseu er a Rubak me a Ikelesia er Ngii?
Santo, 1:96
A Rubak a milengedecheduch el mora Emma lokiu a ocholt el bilsang a Joseph. Ngii a mlekedongii “Emma Smith, ngelekek el redil.” Ng dilu er a Emma el kmo Ngii a ngileltii e mekedongii el mo meruul er a Urerel. Ngii a tokubets el redil, e ngarngii a mekloi el tekoi el soal a bo loruul.
Doctrine me a Covenants 25:1–3
A Rubak a ulengit er a Emma el mo merael lobengkel a Joseph. A Rubak a dilu el kmo a Emma a mo mesaod a chedaol llechukl e olisechakl er a rechedal a Ikelesia. Ng dilu er a Emma mel nguu a Rubak el moruchei er a klengar er ngii e moltirakl a telbilel. Ng mle yaksok er a Emma el kmo ngmo chobang a Chedaol Reng er Ngii. Ngii a mle soal a bo losuub, mukeroul, e lenguu a klengaltengat el mla er Ngii.
Doctrine me a Covenants 25:2, 6–10, 15
A Rubak a dilu er a Emma el kmo Ngii a soal el orrenges er a Rengelekel el mengitakl. Ngii a dilu el kmo a cheliteklir a re Santo er Ngii a diua ea le nglunguuch el mo er Ngii. Ng mle olengit er a Emma el mo meruul a hong er a chelitakl el re Santo a sebechir el ousbech el mengitakl. A Emma a miltik a betok el klebokel chelitakl el kirel a Rubak me a ebangkelio er Ngii e ngilai el locha er tial hong er a chelitakl.
Doctrine me a Covenants 25:11–12; Santo, 1:221–22
A klengar er a Emma me a Joseph a melemolem el mengodech, eng di a Emma a mle medengei el kmo a Rubak a betik a rengul er ngii e ngarngii a moktek er ngii el kirel. Ng mle mesiou er a Rubak me a rechad el iliuekl er ngii. Ng ulngeseu er a Ikelesia er a Jesus el mukeroul.
Doctrine me a Covenants 25:13–15; Santo, 1:221–23