Okedecherul a Nauvoo

A Rubak a dilu er a re Santo el mo kldibel er a beches el basio. Tia mle kmeed er a klou el omeuachel el ngkel a Mississippi. Tial chutem a mle dekmekimes e dechudech. Sel denguu er a rebebil er a rechad, eng dimlak lungil basio el mo omekedechor er a mo beluu. Engdi a Profet Joseph Smith a mle medengei el kmo ngokiu a ngelseuil a Rubak, eng sebechir el rullii el mo klebokel.

Doctrine and Covenants 124:25; Santo, 1:417

A re Santo a ulemuchel meringel loureor el meruul er ngii el mo ungil basio el le kiei er ngii. A Profet Joseph a ulemekedong er tial beluu el Nauvoo, belkul a kmo “klebokel basio.”

Santo, 1:417

A Rubak a dilu er a re Santo el mo omekedechor er a blai er a Navoo me a remereal chad bolsebechir el mei e lolengull. Ngii a mle soal a Nauvoo el basio el rokui el chad a omelchesiu el longemedaol er tir.

Doctrine and Covenants 124:22–24, 60; Santo, 1:426

A Rubak a dilu er a Profet Joseph el kmo Ngii a ngarngii a klou el uldesuel el kirel a Nauvoo. Ng mle soal a re Santo er Ngii el mo kldibel er tiaikid me bol sebechir el mekedecherur a templo. Ng ulengit er tir me bol meringel loureor el mo omekedechor er a Blil. A re Santo a di mle mereched el mechelii a ureror.

Doctrine and Covenants 124:25–28, 44, 55; Santo, 1:420–21, 425–27

A Rubak a mle soal a re Santo a bo lokedecherur a templo e le Ngii a ulab a ngarbab el klengeltengat el mo omesterir. Ngara templo, eng mo sebechir el meruul a telbiil, malechub a tokubets el yaksok, lobengkel a Rubak. Te dirrek el mo mesuub el kirel a Chedam er a Babeluades er a uldesuel er a durreng el mora Rengelekel.

Doctrine and Covenants 124:29–41; Santo, 1:453–55

A re Santo a mle meringel loureor lomekedechor er a templo, el di uai kel lullekoi a Rubak el mo er tir. Tia mlo meketeked el taem, engdi te kmal mle semeriar er sel sils el derta er tir bol sebecherir el mo medengei aikel tokubets el yaksok el Rubak a ulab el mortir el ngara chelsel a templo er Ngii.

Santo, 1:453–55