Cheldecheduch er a Chedaol llechukl
Cheldebechel er a Rolngeseu

“Cheldebechel er a Rolngeseu,” Cheldecheduch er a Doctrine and Covenants (2024)

“Cheldebechel er a Rolngeseu,” Cheldecheduch er a Doctrine and Covenants

March 1842

Cheldebechel er a Rolngeseu

Te redil er a Nauvoo el mesiou er a Rubak

Margaret Cook me a Sarah Kimball a mesaod er tial beches el templo lomekedechor er ngii er a Nauvoo.

Margaret Cook a kiliei er a Nauvoo. Ng oureor el mora Sarah Kimball, lolengeseu er ngii el merasm. Sel loureor, eng mle sorir el mesaod er tial beches el templo lomekedechor er ngii er a Nauvoo. Te mle semeriar el kirel tial templo.

Santo, 1:447

A Margaret a miltebengii el tirka loureor er a templo a oubail a mechut el bail.

A tara klebesei, ea Margaret el miltebengii el betok er tirka el chad lomekedechor er a templo a oubail a mechut el bail. Ng ulemdasu a lsekum ngii me a Sarah sebechir el dmak loureor el mo merasm a beches el chelechedal a bilir tirkal chad. A Sarah mle soal tial uldasu. Ngii me a Margaret a milengedecheduch er a bebil er a redil el mo chelludel el chelechad el mo olengeseu er tirka loureor.

Santo, 1:447–48

Joseph Smith el me omes er a Margaret, Sarah me a rebebil el mo omuchel er a Cheldebechel er a Rolngeseu.

A Profet Joseph a dilu el kmo a Rubak a mle ungil a rengul er a uldesuir, e Ngii a oba lmuut lungil el mo er tir. A Joseph a mle olengit er tirka el redil el mo omes er ngii er a March 17, 1842. Nguleba ngerachel er a prietshood, eng mlo toketekii a teletael er a redil chedal a Ikelesia. Te tilbir el mo omekedong er tial chelechad el Chelechad er a Redil Lolengeseu el ngara Nauvoo.

Santo, 1:448, 450–51

Margaret el mengedecheduch er a re teru er a redil.

A Joseph a ulengit er a Chelechad er a Rolngeseu el mo olngeseu er a rechad el mo kldmokl kirel a klengeltengat er a templo me a diak a ulebengelel klengar. Te kirir el mo okesiu el oltirakl er a Jesus.

Santo, 1:451

Rechedal a Chelechad er a Rolngeseu lolab a kall el mora telungalek el ousbech.

A Joseph a dirrek el dilu er a Chelechad er a Rolngeseu el mosiik er a rechad el chebuul e olengeseu er tir. Dirrek a redil el mle chebuul a mle sorir el olengeseu er a rechad el ngesool.

Santo, 1:449

Chelechad er a Rolngeseu el loleketek er ngii.

A Chelechad er a Rolngeseu a mla meteketek. Emma Smith a mlokedong el mo bdelul a chelechad. Ng mlo omekedong er a re teru el mo olengeseu er ngii, Sara Cleveland me a Ann Whitney. Ng dirrek el mlokedongii a melchesir, el Eliza R. Snow.

Santo, 1:450

Emma lolsisechakl er a redil el ngara Chelechad er a Rolngeseu.

A Rubak a ulengeseu er a Emma el meruul er a ngerchelel. A Emma ulsisechakl er tirka el redil el kmo ng sebechir el meruul a meklou el tekoi el ngara omesiou el mora Rubak. Ng mle soal a derta er tir a bolomes a teletael el mo meruul a ungil. A kot el klou a ultutelel, ng millekoi er tir, a mo oubeltik el reng el mora rechad lokiu a teletal el Jesus a milruul. Te betok el redil er a Nauvoo a mlo chedal tial Chelechad er a Rolngeseu.

Doctrine and Covenants 25:3, 7; Santo, 1:451

Siasing el dmak lolecholt er a teletelir a redil er a Ikelesia el mekera lolengeseu er a rechad el liueklii a beluulechad.

Te ulengeseu er a rechad el mengedmokl el kirel a klengeltengat er a templo e ulengeseu er a rebetok el telungalek el ousbech a ngesou el ngara Nauvoo. Seikid el mer chelechang, ea betok el redil er a beluulechad a mla mo chedal a Chelechad er a Rolngeseu. Te melemolem el mesiou er a rechad e olngeseu er tir el mo melai a klengeltengat er a templo.

Santo, 1:451