A Telii a Mesiou er a Rubak

Omekdubech er a Ikelesia ra Tubuai

A Telii ma re bebil a omes ra re misionariis ra Uriul-klebesei el mermang.

A redil el ngklel a Telii a kiliei er a kekerei el beluu el ngklel a Tubuai. A re misionariis er a kakerous el ikelesia sel bebil ra taem e toldingel er a Tubuai, ngdi te blechoel el diak el kiei el meketeket. A tara klebesei ra 1844, ea Telii a mle semeriar er a renges el kmo a re misionariis er a Ikelesia ra Jesus Kristo ra Uriul-klebesei Santo a mla kmerd ra Tubuai.

Doctrine me a Covenants 1:1; 133:8

A Telii ma Nabota a mle siotai ra re misionariis mel kiei lobengterir.

Tirkal misionariis a mlara omrolir el mora tara klou el beluu. Ngdi a rechad er a Tubuai a mle sorir a le kiei e lolsisechakl er a ebangkelio. A Telii ma bechil ra Nabota, a milekoi ra re misionariis a lsebechir el kiei er a blirir. A ta er tirkal misionrii, el Addison Pratt, a kilngei.

Re Santo , 1:573–74

A Telii ma Nabota a merous a kall el mora ta er tirkal misionarii.

A Telii ma Nabota a merous a rokui el tekoi el ngarngii er tir el mora Addison. Te ulsisecheklii elmo melekoi a tekingir. A Addison a ulisechakl er tir el kirel a Jesus Kristo.

A Chedaol Reng a melekoi ra Telii ma Nabota el kmo a ebangkelio ra Osobel a klemerang. Te mle kot el chad er a Tubuai elmo metecholb.

Re Santo , 1:573–74

A Telii me a re bebil a ouchais er a ebangkelio el mora rechad ra Tubuai.

Telii, Nabota, ma Addison a kmal mlo tarengrir. Te dilak el lomais e olsisechakl er a ebangkelio ra Tubuai ma bebil ra beluu. Ma rechad lolasem el melekoi ra re Santo ra Tubuai el kmong mle kirir el diak el bol chedal a Ikelesia, ea Telii a ulsisechakl er tir ra ikel chedaol lechukl el kmo a Ikelesia a Klemerang.

Re Santo , 2:27 , 45

Telii, Nabota, ma re bebil ra re Santo a dmak el mengitakl.

A Telii a soal elmo olengeseu ra re betok el chad el ngara Tubuai el mesuub er a ebangkelio ra Jesus Kristo. Ng kiltmokl a chedaol lechukl elmo ongak e mle siotai ra re meklou el chelchad el mengitakl lobengkel sel klebesei. Mengitakl a eliteklel a Telii a ngilsuterir a re betok el chad el mesuub er a chedaol lechukl e diak el lobes a lsiluub.

Doctrine me a Covenants 25:12

A Telii ma telungalk er ngii el loutkeu ra telungalk er a Addison.

Rak er ruriul, betok el misionariis a mlora Tubuai, luldimukl er a telungalk er a Addison. A Telii a uletkeu er tir el mora blil. Ngulureor lobengkel a bechil a Addison, ra Louisa, el mesiou ra redil ra Tubuai.

Re Santo , 2:133–34

A Telii ma telungalk er ngii a melmolm el louchais er a ebangkelio el mora re bebil.

Ng telkib el taem, ea re missionariis a mlo remei elmo eroid er a Tubuai ma bebil ra beluu. Ngdi a Telii a ulutekangel lolsisechakl e omekrael ra re Santo. Leng okesiul a Telii ma omesiungel, ea Ikelesia ra Tubuai a milemolm el mesisiich.

Re Santo , 2:150–51