Cheldecheduch er a Chedaol llechukl
Telungalek er a Yanagida

“Telungalek er a Yanagida,” Cheldecheduch er a Doctrine and Covenants2024)

“Telungalek er a Yanagida,” Cheldecheduch er a Doctrine and Covenants

1950–1951

Telungalek er a Yanagida

Ongeltacher me a klaumerang er a Jesus Kristo.

Toshiko me a Tokichi Yanagida lobengterir a telungalek er tir.

Toshiko me a Tokichi Yanagida a kiliei er a Siabal. Te mle oumerang er a Jesus Kristo e mlo chedal a Ikelesia er Ngii. Engdi a klengar er a Siabal a mle meringel er seikid el taem. A mekemad a tilemall a betok el blai me a okedecheraol. Toshiko me a Tokichi a mle sorir lomekedechor er a blirir el telungalek, engdi tirka kmal mle mechebuul.

Santo, 3:543

A re Yanagida a mengedecheduch er a re misionari er a Ikelesia.

A re Yanagida a mle medengei el kmo a Rubak a mle soal tir a le harau a ongeltacher, engdi tirka dimlak lodengei el kmo ng sebecherir. Toshiko a uleker er a misionari el kmo te mo mekerang. “A ongeltacher a kmal meringel er kemam,” ng millekoi. Ngkal misionari a dilu el kmo a lsekum me te harau a ongeltacher, ea Rubak a mo ngosuterir er a uldesuir el mo oublai.

Doctrine and Covenants 119; Santo, 3:543–44

Toshiko me a Tokichi a mle tibir el mo melemolem el harau ongeltacher.

Toshiko me a Tokichi a ulumededenger. Dimla a kmal udoud el mo omechar a kelel a ngelekir er a skuul. Engdi te mle tibir el mo oumerang er a Rubak e harau a ongeltacher.

Santo, 3:543–44

A re Yanagida el dechor er a bita er a basio el modechor a blirir er a ngarmedal taem.

A Rubk a ulemekngeltengat er a telungalek er a Yangida. Di mle mereched eng mlo sebechir el mecherar a chutem e omuchel lomekedechor er a blirir.

Santo, 3:544

Daiksang el melekoi er a re Yanagida el kmo a blirir a diak el sebechel mo dechor.

A tara klebesei ea merritel okedecherul a blai a mlei. Ng dilu el kmo ngarngii a chetituokel er a chetemir, meng diak el sebechir lomekedechor er a blirir er ngii. Ng dilu er a roureor mel terbengii a urerir.

Santo, 3:544

Ta er a re misionari el mengedecheduch er tirka el telungalek.

A reua Yangida a kmal mlo mekngit a rengrir. Te uluchais er a re misionari er a ikel dilubech. A remisionari a dilu er tir el kmo te mo olsengerenger e meluluuch lobengterir a re Yanagida.

Santo, 3:545

Ng liluut okedecherul a blirir tirka el telungalek.

A uriul, ea tara merritel okedecherul a blai a mlei. Ng dilu el kmo a chetituokel er a chetemir a sebechel mesemechokl. A re Yanagida a sebecherir el mekedecherur a blirir. “Kemiu a locha rirellii a kmong ngerang lungil,” ngkal merritel a blai a millekoi er a Toshiko me a Tokichi. Te mle medengei el Dios a ulemekngeltengat er tir. Te mle ungil a rengrir el mle oumerang er Ngii e harau a ongeltacher.

Santo, 3:545