Parley me a Thankful Pratt

Parley Pratt me a Thankful Pratt a mle chad er a sers er a Ohio. A tara klebesei, ea Parley a ulmelchesiu er a Reng el melekoi er ngii mel becherei a blil e lorael el molisechakl er a rechad a Bibilia.

Santo, 1:92

Parley me a Thankful a ulterur a sersir. Te dimlak lodengei el kmo te mo er ker, engdi te ulumerang el Dios a mo omekngeltengat er tir sel losiou er Ngii.

Santo, 1:92

Parley me a Thankful a ngilai a bilir me a ududir e ngmasech er a bilas. Me sera lorael el ngara New York, ea Chedaol Reng a dilu er a Parley el mo metengel er a bilas. A Parley a ulengit er a Thankful me lolemolem el di ngii el tang. Ng mle yaksok el lemuut el mo er ngii el di mereched. Ng ulmelchesiu el ngarngii a soal a Dios a bo loruul er a New York.

Santo, 1:92

Parley a milrael er a kemanget el lomerael. Kol mocha, er a blil a olisechakl a klechelid. A olisechakl a klechelid a dilu er a Parley el kirel a ngodech el hong el chad a ngiluu el msang. Ng mlengai er a babier el kolt e milluches er a ngara mong el taem. Tia lomekedong er ngii el Babier er a Mormon. A ngeasek el chad er a New York a mle oleiuid er ngii loba klisichel a Dios.

Santo, 1:92

A Parley a mle melemlim a rengul. Ngkal chad er a osisechakl a ulechotii tial hong er a Parley. Ng semeriar, el Parley a milkengii e omuchel menguiu. Betok el sikang a mocheuekl, engdi ngii a diak el sebechel torbengeii a omengiuel, ma kal blengur me a kal cheliuaiu. A Reng er a Rubak a dilu er ngii el kmong klemerang.

Santo, 1:92–93

A Parley a ulis el betik a rengul er a Babier er a Mormon, ng mlo soal losiik er a chad el mle oleiuid er ngii. Ng milrael el mora blirir a telunglek er a Smith, mlar sei eng mesa Hyrum, el obekul a Joseph. Te mle kadecheduch el mo klebesei. A Hyrum a dilu er a Parley el kmo a Babier er a Mormon a klemerang. Ngiluu a babilengel er a Babier er a Mormon el msang a Parley.

Santo, 1:93

Sera longuiu, ea Parley a mlo medengei el kmo a Jesus Kristo a mle oldingel er a rechad el ngara Merikel er a uodel taem. A Parley a milsa el kmo tial Babier er a Mormon a klou a belkul er a rokui el ilteet er tial beluulechad. Ng mle soal mereched el lemuut el mora Thankful e chouchais er ngii ra ikel ngii a mla suub.

Santo, 1:93; 3 Nephi 11:1–12

A Parley a millekoi er a Thankful me a rebebil er a telungalek er ngii el kirel a Babier er a Mormon. Ng uluuchais er tir el kmo ngera ngolsisechakl el kirel a Jesus Kristo. A Thankful a mle ungil a rengul el kmo a Parley a ultirakl er a Chedaol Reng e mlo metik er a ureor el Dios a soal a bo loruul. El di uai a Parley, a Thankful a mlo subii el kmo a Babieir er a Mormon a merang.

Santo, 1:98–99