“Tulokihnyucki” se fin acn Ghana

Alice Johnson el tuh misineri se kuhlwacnsap ke acn sel ah, Ghana. El luhngse akacsuhi ke luhlahlfongi kuh ac pwacye lal ke Jisus Kraist ac kahsruh Aluh uh in fokoko.

Mwet Luhlahlfongi, 4:416–17

Sie lwen ah, oasr pweng suhpwacr tuhkuh sonol Alice. Kafihrmacn fin acn Ghana ah fahk muh ac fah wacngihnlac toeni luhn Alu uh. Misineri tiac kuh in sulpac luti.

Mwet Luhlahlfongi, 4:417

Pihlismacn ah oruh misineri ac som liki apartmacn laltahl ah ac eslah pwacskuhl nahtuhltahl ah. Kuhtuh mempucr luhn Alu uh fihliytucki ke jel. Solse ah lakiyac lohm Alu ac ac tiac lwelah kuhtwena mwet in utyak. Mwet ah pahngon ma se inge “tulokihnyucki sac.”

Mwet Luhlahlfongi, 4:417–18

Misineri ac fohlohklac nuh acn seltahl ah. Alice el som muhta yurin kawuck se ke siena taun. El fosrngah muh elac fah tiacna ahksahfyelah misin lal ah.

Mwet Luhlahlfongi, 4:418

Mwet luhlahlfongi fin acn Ghana ah fohsack, suhpwacr, ac sahngweng. Eltahl nuhnkuh lah meah eltahl oruh koluk uh. Yac eltahl ac kuh in sulpac fohlohklac nuhke Alu uh?

Mwet Luhlahlfongi, 4:418

Finne eltahl koflah tuhkweni ke ward lalos ah, Mwet Luhlahlfongi ac srackna luhngse Leum ac luhngse alu nuh Sel. Eltahl oruh sackracmacn miting in lohm selos ah. Mempucr in sucu ma oasr pristut yohroh ahkinsewowoyelah puhret ac kof ac kihtwelihk nuh sin inkaiyen sucu ac.

Olweacng ac Wuhlweacng 6:32; Mwet Luhlahlfongi, 4:419

Mahlwem nuhke mahlwem, tulokihnyucki sac srackna fahsr. Mwet luhlahlfongi elos yuck on ac lutlut sie sin sie ke wosasuc in lohm selos. Eltahl muhtwacta nuh yurin sie sin sie in sruokyac luhlahlfongi lalos in fokoko. Eltahl srwelah sie tahfuh singucul lalos in moli ke eltahl kuh in fohlohk nuhke Alu ac. Eltahl pruhe ac lalo tuh tulokihnyucki sac in sahflah.

Mwet Luhlahlfongi, 4:436–37

Sahflahiyac, tukihn mahlwem 18, kafihrmacn sulaclah tuh Alu uh kuh in sulpa orek toeni. Misin prestuhn sasuc se siyuck in sramsram nuh sel Alice, suc ingena tuhlihk lutlut se ke college. “Kom ac luhngse fohlohk ac kuhlwacnsap tukihn lutlut an?” el siyuck. “Moh,” el fahk. “Nga luhngse kuhlwacnsap ingena!”

Mwet Luhlahlfongi, 4:437–39

Alice ac Mwet Luhlahlfongi sahyac arulacna engan ke eltahl kuh in sulpac som nuhke Alu uh! Ke Sacnri se emet tukihn tulokihnyucki sac, toeni ke kuhfa luhn Leum safhlah ke lusen ao luo mweyen mwet pucspucs luhngse fahkwack luhlahlfongi lalos. Eltahl fahk nuh sin sie sin sie fuhkah Leum el ahkinsewowoyacltahl ac kahsrweltahl sruokyac luhlahlfongi latahl in fokoko.

Olweacng ac Wuhlweacng 20:75; Mwet Luhlahlfongi, 4:438