Nien Kaclpous Liberty

Puhkantwen mwet suc muhta Missouri tiacna luhngse Mwet Luhlahlfongi ac. Kafuhnah sac suhpwaclah solse ah in sap eltahl in tuyak som. Solse ah ukwacack Mwet Luhlahlfongi ac liki lohm selos ah, pihsrwaclah ma lun lohm selos ah, ac ahkngalye puhs selos.

Mwet Luhlahlfongi, 1:355–56, 362, 364

Solse ah sruokilyac Mwet Pahluh Joseph Smith ac mwet kol sahyac luhn Alu uh.

Mwet Luhlahlfongi, 1:357–58

Joseph el siyuck lah el kuh in sislac kuhtuh pacl ah yurin sucu lal ah muhkwena. Solse ah fahk muh moh. Eltahl usacllah Joseph ac mwet kaclpous sahyac ah.

Mwet Luhlahlfongi, 1:366

Sie fong ah, Joseph ac mwet kaclpous sahyac ah lohng ke mwet topang ah isracsr ke ma koluk eltahl oruh nuh sin Mwet Luhlahlfongi ac. Joseph el koflah in sulpac kutong. El tuyak ah salah, “Mihslac!” El kahskahs ke kuh luhn God. Mwet topang ah sahngenglah. Eltahl taltal koluk ac tui tilac sramsram.

Mwet Luhlahlfongi, 1:367–68

Tohkoh, Joseph ac kawuck lal ah fihliyucki ke nien kaclpous se ke sie siti pahnpahng Liberty. Nien kaclpous sac arulacna mihsrihsr, srihklac, ac lohsr. Pana ma asr yohrohltahl pa kuhtuh struh fohkfohk suc elos mutul fac. Oasr kuhtuhsrihk na mongo, ac oraclah eltahl masack.

Mwet Luhlahlfongi, 1:369–70, 374, 384–85

Joseph el nuhnak yohklacna ke Mwet Luhlahlfongi ac. El luhngae eltahl. El fosrngah seltahl. Tuhsruhk el tiac kuh in oruh kuhtwena ma in kahsrweltahl.

Mwet Luhlahlfongi, 1:385–86

Joseph el pruhe pacl puhs. El siyuck sin God lah El oasr oyac ac efuh El tiac kahsruh Mwet Luhlahlfongi ac. Yac God el muhlkuhnuhllah ac Alu ac?

Olweacng ac Wuhlweacng 121:1–6

God El tohpohklah pruhe lal Joseph ah. El fahk, “Wen nuhtihk, mislac nuh in nguhnum.” El fahk nuh sel Joseph lah ma upac inge ac tiac ma ne tok ma pahtpaht, ac ma ac wo nuh sel. God el ahkacsmakihnyacl Joseph lah Jisus Kraist el tuh puhlakihn ma upac liki. El olwelah muh el fah weluhl Joseph “ne tok ma pahtpaht.”

Olweacng ac Wuhlweacng 121:7; 122:5–9