“Joseph ac Sidney Etwacack ke Kuhsrao,” Sramsam ke Doctrine and Covenants[Olweacng ac Wuhlweacng] (2024)
“Joseph ac Sidney Etwacack ke Kuhsrao,” Sramsram ke Doctrine and Covenants[Olweacng ac Wuhlweacng]
Fepweri 1832
Joseph ac Sidney Etwacack ke Kuhsrao
Aruhruhma se ke mwe insewowo luhn God nuh sin tuhlihk Nahtuhl
Sie lwen ah, Joseph Smith ac Sidney Rigdon elos riti Pwacpuhl ah. Elos riti ke ma e sikyak nuh sin mwet uh tukun elos misac. Joseph ac Sidney nuhnkuh ke ma elos riti, ac elos kena lotwelah yohk kac.
Doctrine and Covenants[Olweacng ac Wuhlweacng] 76:11–18
Leum El sang nuh selos mwemwe askuhlacna se. Elos liye Pahpah Inkuhsrao ac Jisus Kraist rauniyucklac ke lipufacn. Elos lohng puhsra se fahk lah Jisus pa Wen nuhtin God. Puhsra sac fahk lah Jisus El misac kac ac sifilpac moulyak—El fohlohk nuh ke moul. Ke srihpen El oraclah, kuht e sifil moulyak pac.
Doctrine and Covenants 76:19–24, 39–43
Joseph ac Sidney lotwelah lah tukun kuht sifilpac moulyak, kuht e fah moul ke sie sin acn tolu inkuhsrao, pahngpahng tohkohsrahi. Elos suc ma tiac eis wosasuc luhn Jisus Kraist e som nuh ke tohkohsrahi telestial. Leum El kapsra tohkohsrahi se inge nuh ke kahlwem luhn itu.
Doctrine and Covenants 76:81–86
Joseph ac Sidney oacyacpac lotwelah lah tohkohsrahi se inge pahngphang tohkohsrahi luhn terrestrial. Tohkohsrahi se inge ma nuh selos ma wo moul la tuhsruhk tiac ahkos wosasuc luhn Jisus Kraist. Muhnahs luhlahlfongi lalos Kacl. Leum El kapsra tohkohsrahi se inge nuh ke kahlwem luhn mahlwem ah.
Doctrine and Covenants[Olweacng ac Wuhlweacng] 76:71–80
Tohkohsrah fuhlwact se pa tohkohsrahi luhn celestial. Elos suc muhta ke tohkohsrahi se inge oraclah wuhlweacng, olwelah, kuh olwelah, nuh sin God ac sruokyac na wuhlweacng lalos. Elos auliyak ac fahsr tukihn Jisus Kraist. Elos wi Pahpah Inkuhsrao ac Jisus Kraist muhta ne tok ac eklac oacna Elos. Leum El kapsra tohkohsrahi se inge nuh ke kahwem luhn faht ah.
Doctrine and Covenants[Olweacng ac Wuhlweacng] 76:50–70
Leum El fahk nuh sel Joseph ac Sidney in tiac sruhmuhn kwewa ma elos liye ke mwemwe inge. Tuhsruhk El luhngse elos in suhmuhslah kuhtuh ma kac ah ac akacsruhi nuh sin mwet sahyac. Puhs mempucr ke Alu uh rahrahlac in sruhmuhn nuh sin mwet uh ke aruhruhma inge.
Doctrine and Covenants[Olweacng ac Wuhlweacng] 76:113–119; SMwet Luhlahlfongi, 1:149–50
Kuhtuh mwet uh tiac luhngse mwemwe sac. Siena liki ma elos luhlahlfongi kac uh. Tuhsruhk puhs Mwet Luhlahlfongi kulohkihn in etuh ke fwackyuck se inge. Fahkwack nuh selos lah Pahpah Inkuhsrao El luhngse tuhlihk Nahtuhl ac oraclah inkacnek nuh selos in fohlohk nuh Yohrohl.
Mwet Luhlahlfongi, 1:149–50