Susa Young Gates ac Joseph F. Smith

Susa Young Gates el ma nahtuhl Brigham Young. El tuh isuslac fin acn Utah ac kapkapwack we. El luhngse sihm, ac el luhngse kuhlwacnsap ke Alu luhn Leum.

Mwet Luhlahlfongi, 3:9–10, 64

Ke Susa el mwet mahtuh se, el tuh arlacna mas. El siyuck ke sie mwe insewowo ke pristut. Ke mwe insewowo sac, Leum el fahk nuh sel Susa muh El kena elan oruh orekma ke tempuhl.

Mwet Luhlahlfongi, 3:193–94

Tukun mwe insewowo sac, Susa el kwelac. El sislah pacl lal in lutlut ke sramsram mahtuh ke sucu lal ah. Ke el konwacack mwet in sucu ma misac tiacna pacptaislac, el som nuhke tempuhl in pacptaislac laltahl. El luhngse sruhmuhn nuh sin mwet orekma ke sramsram mahtuh luhn sucu. Koluk ohyiac, puhs mwet tiacna pwacr kac.

Mwet Luhlahlfongi, 3:194–95, 206

Sie lwen ah, Susa el muhtwacta nuh yurin kawuck se lal Joseph F. Smith, Prestuhn luhn Alu uh. Prestuhn Smith el tuh mas ke wik puhs. Susa el etuh lah el oacyacpac suhpwacr mweyen mukul se nahtuhl misac. El suhpwacr ke kuhtuh ma sahyac sikyak fin facluh pac, oacna mweun ac mas.

Mwet Luhlahlfongi, 3:197–99, 205–6

Tuhsruhk ke Susa el pihtucki yorohl Prestuhn Smith, el tuh enganwack in sramsram nuh sel. El fahk nuh sel Susa lah God el sang nuh sel sie aruhruhma yohk srihpac. Ac pa ma nuhkwewa ke facl luhn nguhn, suc mwet uh som nuh we tukihn eltahl misac. Aruhruhma se lal inge sihmlac ke pwepuh se. Prestuhn Smith el sang nuh sel Susa ac siyuck elan riti.

Mwet Luhlahlfongi, 3:206–7

Susa el riti pwepuh sac. El fahk muh Jisus Kraist el muhtwacta nuhke facl luhn nguhn. El suhpwacllah Adam, Eve, ac kuhtuh pac mukul ac muhtwacn suwohswohs in luti nguhn ma tiacna eis wosasuc ke elos moul ac. Eltahl kahsruh nguhn inge in ahkolah tuh mwet uh kuh in pacptaislac laltahl ke tempuhl.

Olweacng ac wuhlweacng 138:11–19, 29–48; Mwet Luhlahlfongi, 3:206–7

Susa el fwefwelac ke el riti aruhruhma se lal Prestuhn Smith ah. Prestuhn Smith el isracsr srihsrihk nuh sel. “Susa,” el fahk, “kom oruh orekma na wowo se.” El fahk nuh sel muh el luhngse el ke luhlahlfongi lal ke Leum uh.

Mwet Luhlahlfongi, 3:206

Susa el suhmuhslah ke fwackyuck sac lun johrnohl nahtuhl ah. “Oh, ac mwe ahkwoye se nuh sihk!” el fahk. El koflah kutongyac in sruhmuhn kac nuh sin kawuck lal ac mempucr sahyac ke Alu uh. El etuh lah aruhruhma se lal Prestuhn Smith ah fah kahsruh Mwet Luhlahlfongi ac in pwacrack in oruh orekma ke tempuhl nuh sin mwet ke facl luhn nguhn.

Mwet Luhlahlfongi, 3:207