Sie Fwackyuck nuh sel Emma

Moul uh pihsrpihsr in eklac nuh sel Joseph ac Emma. Leum el fahk nuh sel Joseph lah el enenuh in tui ke motkweyen imac. In ahollah, Joseph el enenuh in sislah pacl lal in luti mwet ke Jisus Kraist ac kahsruh Alu Lal in yohkwaclihk.

Olweacng ac Wuhlweacng 24:7–9; Mwet Luhlahlfongi, 1:96

Oasr kihsen siyuck puhs lal Emma ke eklac se inge. El tiac etuh lah meac elac oruh ke pacl se Joseph el kuhlwacnsuhpuh Leum inge. Yac el fah oacyacpac kahsruh Leum ac Alu Lal?

Mwet Luhlahlfongi, 1:96

Leum el sramsram nuh sel Emma ke sie fwackyuck ituckyang nuh sel Joseph. El pahnglol “Emma Smith, muhtwacn nuhtihk.“ El fahk nuh sel Emma muh El sulacllah ac pahnglol in oruh orekma Lal. El muhtwacn yohk srihpac se, ac oasr ma yohk Yohrohl El fah sang elan oruh.

Olweacng ac Wuhlweacng 25:1–3

Leum El siyuck sel Emma elan weluhl Joseph forfor. Leum El fahk muh Emma elac ahkuhtweyac ma suhmuhslah ac luti mempihr luhn Alu uh. El fahk nuh sel Emma in Fihlilyac met ke moul lal ac liacacng wuhlweacng lal. El olweacng nuh sel Emma muh Nguhn Lal ac fah oasr yohrohl. El kena elan lutlut, kapwack, ac eis mwe insewowo Lal.

Olweacng ac Wuhlweacng 25:2, 6–10, 15

Leum El oacyacpac fahk nuh sel Emma lah El luhngse lohng tuhlihk Nahtuhl on. El fahk lah on luhn Mwet Luhlahlfongi Lal uh oacna sie pruhe nuh Sel. El siyuck Emma elan oraclah sie puk in on ah Mwet Luhlahlfongi in kuh in tuhkweni on. Emma el konwacack on kahto puhkantwen ke Leum ac wosasuc Lal ac oraclah nuh ke puk in on se.

Olweacng ac Wuhlweacng 25:11–12; Mwet Luhlahlfongi, 1:221–22

Moul lal Emma ac Joseph srackna eklac, tuhsruhk Emma el etuh lah Leum El luhngse el ac oasr sie srihpac lal. El kuhlwacnsuhpuh Leum ac mwet wiacl. El kahsruh Alu luhn Jisus in yohkwelihk.

Olweacng ac Wuhlweacng 25:13–15; Mwet Luhlahlfongi, 1:221–23