“Parley and Thankful Pratt,“ Sramsram ke Olweacng ac Wuhlweacng (2024)
“Parley and Thankful Pratt,“ Sramsram ke Olweacng ac Wuhlweacng
Ohkohs–Septempuh 1830
Parley ac Thankful Pratt
Luhlahlfongi in fahsr tukihn Nguhn
Parley Pratt ac Thankful Pratt tuh mwet imac fin acn Ohio. Sie lwen ah, Parley el puhla Nguhn fahk nuh sel in som liki lohm sel ah in luti mwet uh ke Pwacpuhl.
Mwet Luhlahlfongi, 1:92
Parley ac Thankful kuhkwackuhnlah imac lalos ah. Eltahl tiac etuh lah eltahl ac som nuh oyac, tuhsruhk eltahl luhlahlfongi lah God El fah ahkinsewowoyacltahl ke eltahl kuhlwacnsap nuh Sel uh.
Mwet Luhlahlfongi, 1:92
Parley ac Thankful us kuhtuh nuknuk ac mani ac sroacng nuh fin oak ah. Ke elos fuhfahsryucsr nuh New York, Nguhn fahk nuh sel Parley elan srolah liki oak ah. Parley el siyuck sel Thankful elan som elac tiac weluhl. El olwelah muh elac fohlohk nuh yohrohl pacl na sa. El puhla muh oasr ma se God el ke elan oruh fin acn New York.
Mwet Luhlahlfongi, 1:92
Parley el fahsr loeslac. Sahflahiyac el tuhkuh nuh ke lohm sin sie mwet luti. Mwet luti sac fahk nuh sel Parley ke sie puk na usrnguck mwet se sang nuh sel. El tuhkuh ke kol plwet ac sihmihsyucklac ke pacl loeloes somlah. El pahngpahng Puk luhn Mormon. Mukul fuhsr se fin acn New York luhngaslah ke kuh luhn God.
Mwet Luhlahlfongi, 1:92
Parley el ke etuh na pwacye. Mwet luti sac sang Parley el liye puk sac. Pangyak, Parley el ikacslah ac muhtwacwacack in riti. Ao somlah, tuhsruhk el koflah in tui ke rit uh, finne in mongo kuh mutul. Nguhn luhn Leum fahk nuh sel muh pwacye.
Mwet Luhlahlfongi, 1:92–93
Parley el luhngse na pwacye Puk luhn Mormon, el ke konwacack mwet se ma luhngaslah ah. El fahsr nuh ke imac luhn sucu Smith, suc el ohsun nuh sel Hyrum, tamuhlwel lal Joseph. Eltahl sramsram fong fohn se. Hyrum el fahk nuh sel Parley lah Puk luhn Mormon pwacye. El sang nuh sel Parley kapi nahtuhl ke puk sac.
Mwet Luhlahlfongi, 1:93
Ke el rit tiac tui, Parley el etwacack lah Jisus Kraist el tuhkuh nuh yurin mwet muhta Macrike pacl loeloes somlah ah. Parley el kuh in liye lah Puk luhn Mormon el sacohk liki mwe kahsruhp nuhkwewa luhn facluh. El ke tari fohlohk nuh yohrohl Thankful in akacsruhi nuh sel ke ma el lotwelah ah.
Mwet Luhlahlfongi, 1:93; 3 Nephi 11:1–12
Parley el fahk nuh sel Thankful ac kuhtuh mwet in sucu lal ah ke Puk luhn Mormon. El fahk nuh seltahl ma el luti ke Jisus Kraist. Thankful el engan lah Parley el tuh ukwe Nguhn ac konwacack orekma God el ke elan oruh uh. Oacna Parley, Thankful el sifacna lotwelahl lah Puk luhn Mormon pwacye.
Mwet Luhlahlfongi, 1:98–99