Mary ac Caroline Rollins

Mary Rollins el yac 12 matwac ke misineri som pacl se emet nuh Kirtland, Ohio. El porongo ke elos sruhmuhn Puk luhn Mormon. Ke pacl se ingacn, oasr puk se fanna kac fin acn Kirtland, ac oasr sin mwet kol se luhn Alu uh inel pa Isaac Morley.

Mary el som nuh ke lohm sel Tamuhlwel Morley ac siyuck elan liye puk sac. Tamuhlwel Morley el sang el sruokyac. Mary el siyuck lah el kuh in us ne lohm sel ah.

Tamuhlwel Morley el sruhnga sang Mary elan us puk se fanna ingacn som. El sonna ritelah nohfohn. Mary el siyuck na siyuck elan us som.

Tamuhlwel Morley el insese. El fahk muh Mary el kuh in us puk sac som ne lohm sel ah tuh elan tang na fohlohkohnma. Mary el oruh oacna in ma sacohk se. El ngwetngwet inkaiyen fong sac riti.

Ke Mary el fohlohkohnacng puk sac, Tamuhlwel Morley el lut ke acn el ritelah tari ah. “Tuhlihk,” el fahk, “us puk se inge nuh lohm ah ahksahfyelah. Nga rahrahlac.”

Mary el pa mwet se emet Kirtland in ritelah nohfohn Puk luhn Mormon. Tukun na el sahflah ah, el ohsun nuh sel Mwet Pahluh Joseph Smith. Ke el etwacack luhpan luhngse lal Mary nuh ke Puk luhn Mormon, el fahk muh el kuh in is nahtuhl puk se nahtuhl Tamuhlwel Morley ah. Elac sang siepacna puk ah nahtuhl Tamuhlwel Morley.

Pacl tok ke yac sac, Mary ac sucu lal som nuh Independence, Missouri. El rahrahlac in liye mwet kol ke Alu uh muhtwacwacack oracna puk sasucu se pahngpahng Puk luhn Masap. Puk se inge nwacnwack fwacyuck lal Jisus Kraist nuh sel Joseph Smith.

Doctrine and Covenants[Olweacng ac Wuhlweacng] 67; 70:1–4; Mwet Luhlahlfongi, 1:178

Tuhsruhk kuhtuh sin mwet Independence ah sruhnga Alu uh. Elos ke Mwet Luhlahlfongi inge in som. Sie lwen ah, mukul ekahsr utyak nuh ke lohm se ma printiyuck Puk luhn Masap ah. Elos tohllah kuhfa in printi ah ke winto ah ac osrwaclihk pepuh ke Puk luhn Masap ah inkacnek ah.

Mwet Luhlahlfongi, 1:177–78

Mary ac tahmtahel wiacl, Caroline, elos liye ma inge tukun kalkal se. Mary el fahk nuh sel Caroline muh el ke sruhkack pepuh ngi met liki muhsahllah. Caroline el sahngweng sin mukul kasrkuhsrak ah. “Eltahl e uni kuhti,” el fahk. Tuhsruhk Mary ac Carloline etuh lah kahs luhn God oasr ke pepuh ingoh.

Mwet Luhlahlfongi, 1:178

Tahmtahel se inge tuhpan ne ke na mukul ah tiac liacltahl. Na elos kahsruhsr nuh inkacnek uh ac til pwepuh elos kuh in twelack. Ke elos silahklahk kahing, kuhtuh mukul ac liacltahlwack ac wowo nuh seltahl in tui. Mary ac Caroline sruokyac lihksreni pwepuh ac kahsruhsr muhi ne ke imac in korn se fototo nuh yohrohlos.

Mwet Luhlahlfongi, 1:178–79

Mukul luo ukwe tahmtahel se inge ne ke imac in korn sac. Corn ah loeslac, Mary ac Caroline tiac liye acn elos fahsr kac ah. Elos an lah infohk ah ac okanlah pepuh ah ke mahnolos. Elos an tiac wohwohn lohng ke mukul luo fahsr sokoltahl ke korn ah.

Mwet Luhlahlfongi, 1:179

Tiac paht mukul ac fuhlweack finsrak. Mary ac Carline wona. Elos karihngihnn sefiyac page ke fwackyuck luhn Leum ke Puk luhn Masap. Misenge fwacyuck ingacn oasr ke puk luhn Doctrine and Covenants[Olweacng ac Wuhlweacng].

Mwet Luhlahlfongi, 1:179