Telii el Kuhlwacnsuhpuh Leum

Muhsahi Alu uh fin acn Tubuai

Telii ac kuhtuh sahyac liye ke misineri ac ai ah.

Sie muhtwacn pahngpahng Telii muhta fin sie tuhka srihsrihk pahngpahng Tubuai. Misineri ke alu sahyac kuhtuh pacl uh muhtwacta nuh Tubuai, tuhsruhk sesahlah eltahl in muhta arlac paht. Sie lwen ah ke 1844, Telii el pangyak in lohng lah misineri ke Alu luhn Jisus kraist luhn Mwet Luhlahlfongi Ke Lwen-sahflah ai fin acn Tubuai.

Olweacng ac Wuhlweacng 1:1; 133:8

Telii ac Nabota suli misineri ac in muhta yohrohltahl.

Misineri ac fahsr in som nuhke kuhtuh tuhka luhlahp ah. Tuhsruhk mwet fin acn Tubuai ac kena eltahl in muhta ac lotweltahl ke wosasuc ah. Telii ac mukul tuhmwacl ah, Nabota, fahk muh misineri ac kuh in muhta lohm seltahl ah. Sie sin misineri ac Addison Pratt, insese.

Mwet Luhlahlfongi, 1:573–74

Telii ac Nabota akacsruhi ke sie mongo nuh sin misineri ac.

Telii ac Nabota akacsruhi ke ma nuhkwewa oasr yohrohltahl nuh sel Addison. Eltahl lotwel in orekmakihn kahs laltahl ah. Addison el lotweltahl ke Jisus Kraist.

Nguhn Muhtahl el fahk nuh sel Telii ac Nabota lah wosasuc luhn Mwet Lahngo pwacye. Eltahl pa pacpataislac emet ke mwet fin acn Tubuai.

Mwet Luhlahlfongi, 1:573–74

Telii ac mwet sahyac akacsruhi ke wosasuc nuh sin mwet fin acn Tubuai.

Telii, Nabota, ac Addison eklac kawuck wowo, Eltahl tuhkweni forfor ac luti ke wosasuc fin acn Tubuai ac tuhka sahyac. Ke mwet ah srihke in fahk nuh sin Mwet Luhlahlfongi fin acn Tubuai lah eltahl tiac enenuh in welah Alu uh, Telii el lotweltahl liki ma suhmuhslah lah Alu uh pwacye.

Mwet Luhlahlfongi, 2:27, 45

Telii, Nabota, ac Mwet Luhlahlfongi sahyac tuhkweni on.

Telii el luhngse kahsruh mwet puhs fin acn Tubuai in etuh ke Jisus Kraist. El oraclah ma suhmuhslah nuhke on ac suli un mwet puhs in weluhl on ke ekuh. Yuck on lal Telii kahsruh mwet puhs in eis etwacack ke ma suhmuhslah ac esamyac ma elos lotwelah.

Olweacng ac Wuhlweacng 25:12

Telii ac sucu lal paing sucu lal Addison.

Kuhtuh Yac tok, puhkantweni misineri tuhkuh nuh Tubuai, weacng sucu lal Addison. Telii el solwacltahl nuh in lohm sel. El wi muhtwacn kiacl Addison ah orekma, Louisa, in kuhlwacnsuhpuh muhtwacn fin acn Tubuai.

Mwet Luhlahlfongi, 2:133–34

Telii ac sucu lal tiac tui in akacsruhi ke wosasuc nuh sin mwet sahyac.

Tukihn kihtin pacl, sap kuh misineri ac in som lik acn Tubuai ac tuhka sahyac ah. Tuhsruhk Telii el insacnweacng in luti ac kol Mwet Luhlahlfongi ac. Ke srihpen ohiac ac kuhlwacnsap lal Telii, Alu uh fin acn Tubuai srackna fokoko.

Mwet Luhlahlfongi, 2:150–51