Tuh Acnwuck Joseph ac Sidney

Kuhtuh mwet uh luhngse ma Joseph el luti ke Pahpah Inkuhsrao, Jisus Kraist, ac kuhsrao. Ac kuhtuh pac mwet uh tiac luhngse ma el luti. Ekahsr selos kasrkuhsrakack ac kena tilokihnyac luti lal Joseph.

Doctrine and Covenants[Olweacng ac Wuhlweacn] 76; Mwet Luhlahlfongi, 1:149–50

Sie fong ah, Joseph el muhta ngetnget pahtlac kahsrel Emma karihngihn sie fak ahwowo elos nuhtwelah. Ahwowo sac mas na upac.

Mwet Luhlahlfongi, 1:150

Emma el esla ahwowo sac ac fahk Joseph elan monglac. Elac luti ke litutacng ah. Sahflah, Joseph ac Emma tuhkeni mutullac.

Mwet Luhlahlfongi, 1:150

Kihtin pacl ah, sruhnguhl ah lihksreni ikackwelihk, ac u in mukul se yucyak nuh lin rum sac. Emma el sasa ke mukul inge sruokyac pahol, niacl, ac insifacl Joseph. Elos oluhllah nuh lihkihnihm ah.

Mwet Luhlahlfongi, 1:150–51

Joseph el srihke in tuhlahllah liki mukul inge, tuhsruhk elos lihksreni sruokilyac. Joseph el liye lah mukul inge oluhlma pac Sidney Rigdon liki lohm sel ah.

mwet Luhlahlfongi, 1:151

Mukul inge seya nuknuk lal Joseph ah ac okacacng koltah fol, fulful nuh ke mahnol ac insifacl. Na elos nohkohmohlah ke kulun won ac kahingelihk.

Mwet Luhlahlfongi, 1:152

Tukun mukul inge som, Joseph el orahkyak fohlohk nuh lohm ah. Emma el sahngweng ke el liyacl Joseph ah. Kawuck muhta fototo elos lohng ma sikyak ah ac silahklahk tuhkuh in kahsruh. Emma el i koltah ke kulun mahnol Joseph. Ke fong sac nohfohn, Emma ac kawuck lal ah kahsrwel Joseph ac Sidney.

Doctrine and Covenants[Olweacng ac Wuhlweacng] 25:5; Mwet Luhlahlfongi, 1:153

Lwen se tok ah, Joseph el srackna ngal. Tuhsruhk el nuknukyang ac luti u in mwet se kacl Jisus Kraist. Kuhtuh sin mwet ma wi onel ah lohng ke el luti ah. Pacl tok ke lwen sacn, Joseph el pacptaiselah mwet tolu. El kalweni in oruh orekma luhn Leum, finne mwet srihke in tilokuhnuhl.

Doctrine and Covenants[Olweacng ac Wuhlweacng] 24:8; Mwet Luhlahlfongi, 1:153