Joseph ac Oliver Eis Ki Luhn Pristut

Wik se tukihn Tempuhl Kirtland ah kihsackihnyucklac ah, oasr tausin Mwet Luhlahlfongi ohsun ke tempuhl in alu nuh sin Mwet Lahngo. Tuh Istuh Sacnri se. Joseph Smith, Oliver Cowdery, ac Mwet Sap Singucul Luo ah sang kuhfa luhn Leum nuh sin Mwet Luhlahlfongi ac.

Doctrine and Covenants 110, section heading; Saints, 1:239

Tukihn kuhfa luhn Leum, Joseph ac Oliver konwacack acn mislac se lun tempuhl, tukihn mwe lihsrlihsr sac, in pruhe.

Doctrine and Covenants 110, section heading; Saints, 1:239

Ke eltahl pruhe tari, eltahl ngwetack nuh lucng. Jisus Kraist el tu ye muhtahltahl. El etuh lah Mwet Luhlahlfongi ac orekma upac in muhsahelah tempuhl sac. “Nga insese nuhke lohm se inge,” El fahk. Jisus el fahk nuh sel Joseph ac Oliver lah mwe insewowo ke tempuhl fah use engan luhlahp nuh sin mwet pucspucs.

Doctrine and Covenants 110:1–10

Tukihn Jisus el som, mwet pahluh ke Wuhlweacng Mahtuh Moses sikyang nuh sel Joseph ac Oliver. El sang nuh seltahl ki luhn pristut in oracni Israel. Kalmac pa eltahl kuh in us orekma se ke akacsruhi luhn wosasuc. Eltahl kuh in suhpwaclah misineri nuh fin facluh nohfohn in use mwet nuhke Alu luhn Mwet Lahngo.

Doctrine and Covenants 110:11

Tohkohyang, mwet pahluh Elias el sikyang, El sang nuh sel Joseph ac Oliver ki nuhke fohlohkuhn ma wuhlweacng lal Abraham. Kalmen ma se inge pa Mwet Luhlahlfongi kuh in eis sin Leum wuhlweacng se pacna Abraham el eis ac. Ac fah oasr kuh lalos in use wosasuc ac mwe insewowo luhn God nuh sin mwet yen nuhkwewa ke yac pucspucs fahsruh uh.

Doctrine and Covenants 110:12

Sahflah, mwet pahluh Elijah el sikyang. El sang nuh sel Joseph ac Oliver ki nuhke sil, kuh oracni nuh sie sucu nuh tok ma pahtpaht. Orekma ma Mwet Luhlahlfongi oruh lun tempuhl ac fah orekmakihnyuck inkuhsrao. Ingena oasr kuh luhn Alu uh in oruh orekma luhn Mwet Lahngo ac ahkolah nuh Sel in sulpac fohlojkuh nuh facluh.

Doctrine and Covenants 110:13–16