Mwe tikuclkucl fin acn Missouri

“Mwe tikuclkucl fin acn Missouri,” Sramsram ke Doctrine and Covenants[Olweacng ac Wuhlweacng] (2024)

“Mwe tikuclkucl fin acn Missouri,” Sramsram ke Doctrine and Covenants[Olweacng ac Wuhlweacng]

Julahe 1831–July 1833

Mwe tikuclkucl fin acn Missouri

Sruokyac kuh luhlahlfongi ke pacl sensen

Kuhtuh mwet fin acn Independence elos suhpacr ke ai luhn Mwet Luhlahlfongi.

Puhs Mwet Luhlahlfongi som muhta Independence, Missouri. Leum El kena elos in muhsahi siti luhn Zion we. Tuhsruhk Mwet Luhlahlfongi ac mwet muhta Independence tiacna ma se. Elos tiac insese ke ma puhs. Kuhtuh mwet ke mura se inge ahngyang ac srihke in luhsack Mwet Luhlahlfongi inge.

Doctrine and Covenants[Olweacng ac Wuhlweacng] 57:1–3; Mwet Luhlahlfongi, 1:171–74

Mwet kol fin acn Independence toeni miting weluhl Edward Partridge.

Edward Partridge el pa pisap fin acn Independence. El tuhkuh wi mwet ke mura sac miting. Elos fahk muh Mwet Luhlahlfongi inge enenuh in som liki acn Independence. Pisap Partridge el etuh lah God El ke elos in muhsahi Zion fin acn Independence. El fahk muh Mwet Luhlahlfongi inge tiac kuh in som.

Mwet Luhlahlfongi, 1:176

Mukul kasrkuhsrak kuhnahoslah lohm ac iwac.

Mukul kasrkuhsrak muhtacwacack kuhnaus lohm ac iwac ma Mwet Luhlahlfongi inge muhsahi.

Mwet Luhlahlfongi, 1:177–78, 182

Mukul inge elos sruokilyac Edward Partridge ac Charles Allen.

Mukul inge usacllah Pisap Partridge ac mukul se sahyac Charles Allen liki lohm selos. Elos ul mukul luo inge ne infulwen mura sac.

Mwet Luhlahlfongi, 1:179

Koltah ac kulun won nackuhllah Edward ac Charles.

Pisap Partridge el fahk, “Fin nga e keok ke alu luhk, tiac oacna ke ma sahyac oruh nuh sihk met.” Mukul inge pahtokuhl Pisap Partridge ac Charles nuh infohk uh. Elos sang koltah fol ac kulun won nuh ke mahnolos.

Mwet Luhlahlfongi, 1:179–80

William McLellin, mempucr ke Alu fin acn Independence, el lohng ma mwet kasrkuhsrak inge oruh uh. El sahngeng ac kahing nuh inimac ah wihklac.

Mwet Luhlahlfongi, 1:182

William el nuhnkuh lah meac elac oruh fin sruokyucki el.

William el nuhnkuh lah meac e sikyak fin mukul ahngyang inge sokuhlwack. Kuh elac srackna fahk muh pwacye Puk luhn Mormon, fiine elos srihke in unilyac kac?

Mwet Luhlahlfongi, 1:182–83

Oliver Cowdery ac David Whitmer sokuhlwack William.

Oliver Cowdery acd David Whitmer kawuck lal William sokuhlwack inimac ah. William el etuh lah Oliver ac David luhlahlfongi ke Puk luhn Mormon. Lipufacn se ahkahlwemye kol plet sac nuh selos. “Fahk nuh sihk,” William el siyuck selos, “Puk luhn Mormon se ngi pwacye?”

Mwet Luhlahlfongi, 1:183

Oliver ac David akacsruhi ke luhlahlfongi kuh lalos nuh sel William.

Oliver ac David fahk nuh sel William lah Puk luhn Mormon el pwacye. Elos fahk lah finne mukul kasrkuhsrak inge srihke in onweltahluh, elos e tiac tui in fahkwelihk luhlahlfongi kuh lalos nuh sin mwet. “Nga luhlahlfongi kom,” William el fahk.

Doctrine and Covenants[Olweacng ac Wuhlweacng] 17:3–6; Mwet Luhlahlfongi, 1:183