Jane Manning El Fuhfahsryucsr nuh Nauvoo

Jane Manning ac sucu lal muhta ke acn se ma kuhtuh mwet we tiac luhngse elos ac tiac oruh wo nuh selos ke srihpen tuhn ke mahnolos. Sie lwen ah, Jane el lihpsre misineri se luti. El etuh lah pweng se lal inge pwacye. Sacnri se na tok ah, el pacptaislac.

Mwet Luhlahlfongi, 1:500–501

Sucu lal Jane ah welah pac Alu uh. Leum El kena Mwet Luhlahlfongi in toeni nuh fin acn Nauvoo. Jane el luhngse Leum. El ac sucu lal luhngse wi Mwet Luhlahlfongi pac sahyac ah. Oruh elos muhtacwacack pac fuhfahsryucsr lalos nuh Nauvoo.

Doctine and Covenants[Olweacng ac Wuhlweacng] 124:25; Mwet Luhlahlfongi, 1:501

Inkaiyen fuhfahsryucsr lalos, elos orekmakihn ak. Inkaiyen mwet ke ak ah kuh in moli wi lalos ah ke sahflah kahsruhsr sac. Tuhsruhk kuhtuh mukul ah fahk nuh sin sucu lal Jane ah lah elos enenuh in molwelah met liki elos sroacng. Wacngihn mani lalos. Mukul inge sap elos srolah liki ak ah, ac tohlohltahllah.

Mwet Luhlahlfongi, 1:501

Sucu lal Jane ah enenuh in fahsr ke mael 800, kuh kilometer 1,300. Elos enenuh in fahlac ahluhkwelah infacl loal soko wangihn sohs kac. Elos mutul lihkihnihm. Ohyohu na upac puhlan pacl sac. Tuhsruhk sucu lal Jane insacnweacng in sun acn Nauvoo. Elos ahkkweyaclos sifacna ke elos fahsr on.

Mwet Luhlahlfongi, 1:501, 505–6

Jane ac sucu lal fahsr na fahsr nekena fahluhk lalos ah muhsahllah ac ngal niaclos. Tuhsruhk ke elos pruhe siyuck kahsruh sin God, El onwelah niaclos.

Mwet Luhlahlfongi, 1:505

Elos kahsruh mwet ma elos ohsun nuh se ke fuhfahsryucsr lalos. Elos kahsruh onwelah tuhlihk mas se ke na srihpen luhlahlfongi lalos.

Mwet Luhlahlfongi, 1:505–6

Sahflah, Jane ac sucu lal sun acn Nauvoo! Elos ullac ac enenuh sie acn ah in muhta kac. Na elos som nuh lohm sel Emma ac Joseph. Ke Joseph el lohng ma nuhkewa ma elos sun, el fahk nuh sel Jane, “God El ahkinsewowoye kom. Kom oasr inmahsrlon kawuck ingena.” Joseph ac Emma solwacl Jane elan weluhlos muhta.

Mwet Luhlahlfongi, 1:506