Parley El Siyuck Ke Nuhnak Muhnahs

Ke pacl se ma Thankful ac Parley Pratt e eis ahwowo nahtuhlos, elos tuhkuh liki misin lalos fin acn Canada. Oasr ahwowo mukul na fokoko se nahtuhlos oacna ke Leum El olwelah muh e oasr ah.

Mwet Luhlahlfongi, 1:270

Mwe ahsor, Thankful el misac ao na ekahsr tukun ahwowo sac isuslac ah. Parley el etuh lah el tiac kuh in liye ahwowo se ke el wacngihlac uh. El siyuck sin muhtwacn se fin acn Kirtland in karihngihn ahwowo sac ke elac fohlohk ahksahfyelah misin lal fin acn Canada.

Mwet Luhlahlfongi, 1:270

Fin acn Kirtland, Joseph Smith el oraclah bank se in use mani nuh ke orekma luhn God. El siyuck mwet uh in lwelah bank se inge in orekmakihn mani lalos mwet sahyac in kuh in paro kac. Tuhsruhk, ke srihpac puhs, wacngihn suhnuhn mani ke bank se inge ac enenuh in kauli. Bank pac sahyac fin acn Macrike puhtatlac pac.

Mwet Luhlahlfongi, 1:260–61, 264–68

Muhtacwacack upac moul luhn Mwet Luhlahlfongi. Kuhtuh wacngihnlac orekma lalos ac wacngihn mani in sang moul mongo kuh nuknuk. Kuhtuh ahngyahng sel Joseph, finne kawuck fototo lal. Elos nuhnkuh muh Joseph el tena mwet pahluh pwacye se ma ke srihpen bank sac misac.

Mwet Luhlahlfongi, 1:264–68, 272–275

Ke ma inge sikyak ah, Parley el folohk liki misin lal nuh lohm ah. Elyah se ke bank se inge oruh upac pac moul lal Parley. Wacngihn suhnuhn mani lan sang moli lohm sel ah, ac wacngihn acn elan muhta kac.

Mwet Luhlahlfongi, 1:270–71

Inge Parley el ahngyahng pac sel Joseph. El suhmuhslah lacta se nuh sel Joseph. El fahk nuh sel Joseph lah el srackna luhlahlfongi ke Puk luhn Mormon. Tuhsruhk el fahk pac ma tena fal nuh sin Mwet Pahluh. El fahk nuh sel Joseph muh stuhelac sel in muhtwacwacack oruh bank sac.

Mwet Luhlahlfongi, 1:271

Tok, kuhtuh kawuck lal Parley fiin acn Canada tuhkuh nuh Kirtland. Parley el lotwoelos ke wosasuc, ac elos engan in sifil liacl.

Mwet Luhlahlfongi, 1:279–80

Ac elos oacyacpac lut lah Parley ac puhs mwet sahyac tilac luhlahlfongi lah Joseph Smith el mwet pahluh se.

Mwet Luhlahlfongi, 1:279–80

Sie sin kawuck lal Parley tuhkuh fin acn Canada pa John Taylor. Ke Parley el liaclwack, el fahk nuh sel John luhpan ahngyahng lal kacl Joseph Smith. El fahk nuh sel John in tiac sulpac fahsr tohkohl Joseph.

Mwet Luhlahlfongi, 1:280

John el ahkacsmakihnyacl Parley lah ke elos muhta Canada, Parley el akacsruhi ke luhlahlfongi kuh lal lah Joseph Smith el mwet pahluh pwacye se. “Oasr sihk ingena luhlahlfongi kuh se pacna ingacn,” John el fahk. “Fin orekma se inge pwacye ke mahlwem ohnkohsr tari ac, el pwacye misenge. Fin Joseph Smith el mwet pahluh se met, na el mwet pahluh se ingena.”

Mwet Luhlahlfongi, 1:280

Parley el etuh lah pwacye sin kawuck lal John. El puhlah ahsor ke ahngyahng lal sel Joseph. El etuh lah Joseph el sang kuhiyacl in oruh orekma luhn Leum. Elyah se ke bank sac tiac kalmac pa Joseph el tiac mwet pahluh se lal Jisus Kraist.

Mwet Luhlahfongi, 1:283

Parley sel som nuh lohm sel Joseph ah. El fahk nuh sel Joseph lah el puhla ahsor ke ma suhfal el fahk nuh sel ah. Joseph el nuhnak muhnahs nuh sel Parley, pruhe kacl, ac ahkinsewowoyacl. Parley el kuhlwacnsap ke misin puhs pac ac fahk nuh sin mwet fin facluh lah Joseph Smith el mwet pahluh luhn Leum.

Doctrine and Covenants[Olweacng ac Wuhlweacng] 64:7–11; Mwet Luhlahlfongi, 1:283