Lwen in Ahkkeyelah Se

“Lwen in Ahkkeyelah Se,” Sramsram ke Doctrine and Covenants[Olweacng ac Wuhlweacng] (2024)

“Lwen in Ahkkeyelah Se,” Sramsram ke Doctrine and Covenants[Olweacng ac Wuhlweacng]

Eprel–Julahe 1839

Lwen in Ahkkeyelah Se

Ahkinsewowoye mwet mas ke kuh luhn God

Mwet topangi nien kaclpous sramsram nuh sel Joseph Smith.

Ke pacl se Joseph Smith ac kuhtuh mwet kol luhn Alu elos muhta nien kaclpous fin acn Missouri, mwet topang ekahsr usacltahllah nuh ke nein kaclpous se sahyac. Mwet topang inge elos kuhlwacng nuh sin mwet sroh inge. Sie fong ah, mwet kol se luhn mwet topang inge fahk nuh sel Joseph lah elac mutullac, ac fin Joseph ac kawuck lal inge kahinglac, elac tiac tulohkohnohltahl.

Mwet Luhlahlfongi, 1:392–93

Joseph ac kuhtuh mwet kol ke Alu uh kahinglac. Elos sokwack sucu lalos muhta ke taun se pahngpahng Quincy.

Mwet Luhlahlfongi, 1:395–96

Mwet sang mongo ac acn in muhta nuh sin Mwet Luhlahlfongi.

Mwet Qincy elos kuhlwacng nuh sin Mwet Luhlahlfongi. Elos sang mongo ac acn in muhta nuh sin Mwet Luhlahlfongi.

Mwet Luhlahlfongi, 1:377

Mwet Luhlahlfongi muhtacwacack muhsahi Nauvoo.

Mwet Luhlahlfongi elos kulohkihn kuhlwacng luhn mwet Quincy. Tuhsruhk Joseph el etuh lah elos enenuh na sie acn ah selos in muhta kac. Mwet kol ke Alu uh molelah kuhtuh acn ma wacngihn mwet luhngse, ac Mwet Luhlahlfongi muhtacwacack som nuh we.

Mwet Luhlahlfongi, 1:399–400

Muhtwacn se kahsruh siena muhwacn ma malaria.

Acn se an sisken infacl luhlahp soko. Sroksrok ac fohk fuhrahrahr ac puhslac emsac. Emsac inge oruh Mwet Luhlahlfongi inge masack ke mas se pahngpahng malaria. Kuhtuh selos misac.

Mwet Luhlahlfongi, 1:402

Joseph Smith ac Wilford Woodruff sang mwe ahkinsewowo luhn pristut nuh sin mukul mas se.

Ke Joseph el liye lah puhslac mwet mas, el oracni mwet kol ekahsr ac siyuck elos in weluhl. Litutacng na fohn sac, elos som nuh yurin sucu nuh yurin sucu, muhtacta nuh yurin mwet mas inge ac ahkinsewowoyacltahl. Elos orekmakihn kuh luhn Jisus Kraist in onweloslac ke mas lalos.

Mwet Luhlahlfongi, 1:402

Joseph el sramsram nuh sel Elijah Fordham.

Sie mwet elos muhtwacta yohroh ah pa Elijah Fordham. El mas na upac, muhtwacn kiacl ah nuhnkuh muh elac kuhracnna misac. Joseph el siyuck sel Elijah lah oasr luhlahlfongi lal in kwelac.

Mwet Luhlahlfongi, 1:402

Elijah el fahk nuh sel Joseph lah oasr luhlahlfongi lal in onweyucklac.

Elijah el fahk, “Nga muh pahtlaclac.” Joseph el siyuck sel Elijah lah el luhlahlfongi kacl Jisus Kraist. “Ahok, Tamuhlwel,”el topuk.

Mwet Luhlahlfongi, 1:402

Elijah el tuyak tukun el eis mwe ahkinsewowo luhn pristut.

Joseph el ahkinsewowoyacl ke inen Jisus Kraist. Elijah el tuyak. Jesus El onwellah! Na Elijah el weluhl Joseph nuh ke lohm se tok ah ac kahsrwel in ahkinsewowoye mwet mas sahyac ah.

Mwet Luhlahlfongi, 1:402–3