Joseph ac Hyrum Sang Moul Lalos nuhke Wosasuc

Joseph Smith el fosrngah. Meac fah sikyak nuhke Alu uh el fin misac? El kena etuh lah orekma luhn Leum ac fahlac na. Ohinge el orwacni Mwet Sap ah ac sang nuh selos ki luhn pristut ma Jisus Kraist el tuh sang nuh sel ah. Kalmac pa Mwet Sap inge kuh in kol Alu luhn Leum ac oruh orekma Lal. Ma se inge kahsrwel Joseph in puhla wo.

Mwet Luhlahlfongi, 1:519–20

Tuhsruhktuh puhkantwen mwet suc kasrkuhsrak sel Joseph. Kuhtuh selos kena unilyac. Elos tiac luhngse ma el luti ac. Elos suhmuhslah sie nuspwepuh kacl in puhrakwack mwet puhs in kasrkuhsrak sel Joseph ac Alu ac. Kuhtuh selos kena kuhnahoslah acn Nauvoo.

Mwet Luhlahlfongi, 1:526–28, 530–32, 533–34

Joseph ac kuhtuh mwet kol fin acn Nauvoo kuhnahoslah acn in prin pwepuh sac in tulokihnyac ahngyahng ah in tiac fahsrwelihk. Ma se inge oraclah kasrkuhsrak luhn mwet uh in upaclac. Kafuhnah sac fahk nuh sel Joseph elan som nuhke siti luhn Carthage mwet nuhnuhnkuh sac in tuh otwelah lah el kuhnahoslah masap. Joseph el etuh lah el fin som nuh Carthage, mwet ah ac unilyac.

Doctrine and Covenants 135:4; Mwet Luhlahlfongi, 1:533–37, 539–41

Tuhsruhk Joseph el kena Mwet Luhlahlfongi ac in sef. El fin som nuh Carthage, sahp mwet uh ac tiac lokoalok nuh sin Mwet Luhlahlfongi Nauvoo. Joseph el sulaclah in som. El ahkinsewowoyacl Emma ac tuhlihk nahtuhl ah, kisiyac muhtahl tahl wihlkacslac, ac som nuh Carthage.

Mwet Luhlahlfongi, 1:542–44

Tamuhlwel lal Joseph Hyrum el weluhl som. Oacyacpac John Taylor, William Richards, ac kuhtuh pac kawuck sahyac. Ke elos oaclac, Joseph el tulokihnyac ohsr nahtuhl ah ac tahpuhllac nuh Nauvoo. “Pa inge acn se ma wolacna emet ac mwet wowo emet ye kuhsrao,” el fahk.

Mwet Luhlahlfongi, 1:543–45

Ke elos sun acn Carthage, fihliyucki eltahl ke nien kaclpous ac. Ke elos muhta ke nien kaclpous ac, Hyrum el rit nuh selos ke Puk luhn Mormon. Joseph el fahk nuh sin mwet topang ah lah Puk luhn Mormon pwacye.

Mwet Luhlahlfongi, 1:546

In ahkkweye kawuck lal, John Taylor el yuck on soko ke Jisus. Arulacna kahto, ac Hyrum el siyuck elan sulpac yuck.

Mwet Luhlahlfongi, 1:549

Tok kuhtuh in lwen sac, mwet kasrkuhsrak yucyak nuhke nien kaclpous sac wi likacsihk. Eltahl fohnguhllah sruhnguhl ah ac muhtwacwacack likacsihk nuhke infuckihl se ma Joseph ac kawuck lal ah muhta we ah. John Taylor el ngalyak na upac. Hyrum ac Joseph acnwucki.

Doctrine and Covenants 135:1–2; Mwet Luhlahlfongi, 1:550–52

Mwet Luhlahlfongi elos arulacna suhpwacrlac ke elos lohng lah Joseph ac Hyrum misac ah. Tuhsruhktuh elos etuh lah uniyac Mwet Pahluh ac tiac tulokihnyac Alu uh. Pa Alu luhn Mwet Lahngo, ac El fah tahfwelah na in kol. Alu uh ac tiac tui in kap ac ahkinsewowoye tuhlihk nuhtin God fin facluh nohfohn.

Mwet Luhlahlfongi, 1:553–59