“Samuel Smith el Akacsruhi ke Puk luhn Mormon,“ Sramnsram ke Olweacng ac Wuhlweacng (2024)
“Samuel Smith el Akacsruhi ke Puk luhn Mormon,“ Sramsram ke Olweacng ac Wuhlweacng
1830–1832
Samuel Smith el Akacsruhi ke Puk luhn Mormon
Sie puk ahkinsewowoye moul pucspucs
Leum el pahnglol Samuel Smith, tamuhlwel srihsrihk se wiacl Joseph, ke sie misin in akacsruhi ke wosasuc. Samuel el ohsun nuh sel John ac Rhonda Greene ac sruhmuhn nuh seltahl ke Puk luhn Mormon. John el mwet luti se ke siena alu. El fahk muh el luhngse eis sie kapi ke puk sac in liye lah oasr mwet ke alu lal ah ac luhngse riti.
Mwet Luhlahlfongi, 1:99
Tukihn mahlwem ekahsr, Samuel el fohlohkuh. Rhonda ac mukul tuhmwacl ah koflah konwacack mwet in riti Puk luhn Mormon sac. El fohlohkuhnwacng nuh sel Samuel.
Mwet Luhlahlfongi, 1:99
Samuel el suhpwacrlac. El ahkolah in som, tuhsruhk Rhonda el tulokihnilyac. El fahk lah el riti tari Puk luhn Mormon, ac arulacna luhngse.
Mwet Luhlahlfongi, 1:99
Nguhn Muhtahl fahk nuh sel Samuel in fohlohkuhnwacng puk sac nuh sel Rhonda. “Siyuck God Elan usot nuh sum sie testimoni ac,“ Samuel el fahk nuh sel. El lotwel Rhonda ke Nguhn Muhtahl ac elac kuh in etuh fuhkah lah Puk luhn Mormon pwacye.
Moroni 10:3–5; Mwet Luhlahlfongi, 1:99–100
Samuel el fohlohklac nuh lohm sel ah tukihn misin lal ah. El tiacna pacptaislac sie mwet, ac mwet na ekahsr luhngse Puk luhn Mormon.
Rhonda ac John pruhe, ac Nguhn Muhtahl fahk nuh seltahl lah Puk luhn Mormon el pwacye. Na Rhonda el akacsruhi ke Puk luhn Mormon yurin tamuhlwel se wiacl, Brigham Young.
Mwet Luhlahlfongi, 1:100
Brigham ac kawuck se lal, Heber Kimball tuh suk Alu pwacye luhn Jisus. Eltahl riti Puk luhn Mormon. Eltahl lutlut ac pruhe ke wosasuc luhn Jisus Kraist apkuhran in yac luo.
Ke pacl se inge, Brigham ac Heber som nuh ke toeni luhn Alu ac wi sucu lalos ah. Ke sie sin toeni inge, Brigham el lohng sie misineri akacsruhi ke testimoni lal. Misineri sac tiacna etuh sramsram, tuhsruhk Brigham el puhla Nguhn Muhtahl ke el sramsram ah. Brigham el etuh lah el fahk ma pwacye.
Brigham, Heber, ac muhtwacn kiaclos,Miriam ac Vilate, tuh pacpataislac. Eltahl luhngse wosasuc luhn Mwet Lahngo. Yac tohkoh, Leum el pahnglol Brigham ac Heber in Mwet Sap Lal ac kuhlwacnsap ke misin. Ke srihpen Samuel el akacsruhi ke Puk luhn Mormon, mwet pucspucs weacng Alu luhn Mwet Lahngo.
Olweacng ac Wuhlweacng 124:127–29; 126; Mwet Luhlahlfongi, 1:215–16