Sucu Martin

Tuhpan ke mwe insewowo luhn Leum

Helvécio Martins el kahsruhsr fohlohk ke orekma ah nuh lohm ah fin acn Rio de Janeiro, Brazil. Inkacnek ah nwacnwaclah ke stosah suc wacngihn seltahl kuh in mukuilac, Helvécio el nuhkuh ke moul lal. Oasr orekma na wowo se lal. El luhngse muhtwacn kiacl ah, Rudá, ac tuhlihk luo nahtuhltahl, Marcus ac Marisa. Tuhsruhk el puhla muh oasr ma se wacngihn.

Mwet Luhlahlfongi, 4:229–30

Helvécio el srolah liki stosah ah ac muhtwacwacack in pruhe. “God luhk,” el fahk, “Nga etuh lah kom oasr yen se, tuhsruhk nga tiac etuh lah oyac.” El fahk nuh sin Pahpah Inkuhsrao lah sucu lal ah suk ma se ac eltah enenuh kahsruh Lal. Na Helvécio el sroacng nuhke stosah nahtuhl ah ac kahsruhsr nuh lohm sel ah.

Mwet Luhlahlfongi, 4:230

Sucu Martin elos pwacngack nuh sin misineri luhn Mwet Luhlahlfongi ke Lwen-sahflah.

Tohkoh, Leum el suhpwaclah misineri liki acn United States. Eltahl muhtwacta nuh yurin sucu Martins Helvécio el akihlen lah eltahl usack sie nguhn mihs nuh in lohm sel ah. El etuh met, ke pacl sac, mwet ma kohn mahno tuh kwacna tiac orek wo fin acn United States. El siyuck, “Alu lom an oruh fuhkac nuh sin mwet Sralsral uh?”

Mwet Luhlahlfongi, 4:230–31

Misineri ac ahkuhtweyac ke tempuhl ac ma tiac lwelah ke pristut nuh sin sucu Martins.

Misineri ac ahkuhtweyac lah tuhlihk nuhtin God nuhkwewa kuh in pacptaislac. Tuhsruhk ke pacl sac, Mwet Sralsral ke mwet mahtuh tuhkuh Africa me koflah sruok pristut kuh eis mwe insewowo puhs ke tempuhl. Puhkantwen kihsen siyuck sahyac lal Helvécio ac Rudá. Misineri ac srihke kuhyacltahl nohfohn in tohpohklah.

Mwet Luhlahlfongi, 4:231

Prestuhn luhn Alu uh David O. McKay el sikuck muhtuhnte pruhe.

Ke yac pucspucs, mwet pahluh elos tuh pruhe in etuh lah ngac pristut a mwe insewowo ke tempuhl kuh in ituckyang nuh sin mwet nuhkwewa.

Mwet Luhlahlfongi, 4:71

Sucu Martins paing mwet uh ke sie toeni luhn Alu uh.

Helvécio ac Rudá sulaclah in srihke som nuhke Alu ac. Mwet Luhlahlfongi ac arulacna wo ac kuhlwacng. Sucu Martins luhngse ma eltahl lotwelah ke Alu ac.

Mwet Luhlahlfongi, 4:231–32

Sie lwen ah, ke elos kahsruhsr fohlok ke Alu ac nuh lohm selos ah, Marcus el fahk nuh sin sucu lal ah el akihlen muh yohkwelihk engan laltahl. “Nga etuh lah mac se oruh uh,” Marcus el fahk. “Wosasuc luhn Jisus Kraist.” Inkaiyen sucu ac etuh lah pwacye sel Marcus. Eltahl sulwaclah in pacptaislac ac ahkkeyeyucklac.

Mwet Luhlahlfongi, 4:232

Helvécio ac Rudá muhtwacta nuhke inkucl luhn São Paulo Brazil Temple.

Kuhtuh Yac Tohkoh, Mwet Luhlahlfongi fin acn Brazil kahfofo ke muhsahiyen tempuhl se. Sucu Martin tuh pangyak, tuhsruhk eltahl oacyacpac suhpwacr. Eltahl ac koflah utyak nuhke tempuhl tukihn ac akmuhsralah uh. “Nimet fosrngah,” Helvécio el fahk nuh sel Rudá. “Leum el etuh ma nuhkwewa.”

Mwet Luhlahlfongi, 4:293–94

Sucu Martins sramsram nuh sin sie kawuck.

Tiac fihsrwacsr in ahkostwen pacl nuhkwewa. Mwet uh aksrucksrukye sucu Martins. Finne kawuck laltahl tiac kuh in kahlwem kac lah efuh eltahl srackna muhta ke Alu uh. Tuhsruhk Helvécio ac sucu lal ah etuh lah pa inge Alu luhn Jisus Kraist.

Mwet Luhlahlfongi, 4:251–52

Rudá el sramsram nuh sel Helvécio ke sahflah luhn tempuhl ah ac ma tiac lwelah ke pristut.

Sie lwen ah, ke Helvécio el tuhkuh ke orekma ah, Rudá el fahk, “Nus se luhk, nus wolacna!” Tukihn lalo upac ac pruhe, mwet pahluh sac, Prestuhn Spencer W. Kimball, tuh eis sie fwackyuck. God el fahk nuh sel muh mwet nuhkwewa, tiac elyah ke tuhn ke mahno, kuh in eis mwe insewowo nuhkwewa luhn pristut ac ke tempuhl.

Official Declaration 2; Saints, 4:318–19

Sucu Martins ac mwet puhs sahyac tuh tuhpan ke pacl na loeles se. Ingena tuhpanyuck sac sahflah! Helvécio ac Marcus eis ke pristut. Helvécio, Rudá, ac tuhlihk nahtuhtahl ah siliyucki ekihn sie sucu ke tempuhl ah. Eltahl ingena kuh in eis mwe insewowo nuhkwewa ke wosasuc.

Mwet Luhlahlfongi, 4:319–21