Fahsrweni nuh Ohio

Fin acn Ohio, puhseni mwet welah Alu uh. Leum El fahk nuh sel Joseph Smith lah Mwet Luhlahlfongi muhta sahyac enenuh in toeni fin acn Ohio. E fuhfahsryucsr na loes se. Tuhsruhk Leum El olwelah lah tukun elos toeni, Elac luti Mwet Luhlahlfongi inge masap Lal ac ahkinsewowoyaclos ke kuh in oruh orekma Lal.

Doctrine and Covenants[Olweacng ac Wuhlweacng] 37; 38:32; Mwet Luhlahlfongi, 1:109–110

Ninac kiacl Joseph, Lucy, ac u in mwet se mempucr 80 ma ke Alu uh som liki lohm selos New York nuh Ohio. Elos sroacng nuh ke ak soko ma e usaclos fahsrelihk. Tukun elos kahsruhsr lwen ekahsr, ak soko ah enenuh in tui. Aes mahtoltol kosralah inkacnek lalos.

Mwet Luhlahlfongi, 1:121–22

Mwet Luhlahlfongi inge enenuh in tuhpan in muhlwesrlac aes inge. Elos ullac, masrihnsracllah, ac mishrihsr.

Mwet Luhlahlfongi, 1:122

Upac in tuhpan. Kuhtuh Mwet Luhlahlfongi inge muhtacwacack akuhkuhin inmahsrlolos.

Mwet Luhlahlfongi, 1:122

Lucy el sruhnga lohng ke Mwet Luhlahlfongi inge akuhkuhin uh. El etuh lah el enenuh in fahklah sie ma ah. “Piac luhlahlfongi lom an?” el siyuck. Lucy el fahk nuh sin Mwet Luhlahlfongi inge lah elos fin pruhe nuh sin God, Elac fukulyac aes sac na elos kuh in tahfwelah fuhfahsryucsr lalos ah.

Mwet Luhlahlfongi, 1:122–23

Tiac paht, elos lohng puhsra se oacna in puhlahl ke aes ah fokelihk ah. Inkacnek soko ikackla ke aes ah, arulacna fal nuh ke ak soko ah in yuclac kac.

Mwet Luhlahlfongi, 1:123

Mwet Luhlahlfongi ac lut ac srui. Elos toeni in pruhe ac sang kuloh nuh sel Pahpah Inkuhsrao. Ak ukwoaclos ah kahsruhsr wona nuh Ohio.

Mwet Luhlahlfongi, 1:123

Ke Mwet Luhlahlfongi inge sun acn Ohio. mempucr ke Alu uh ma muhta we ah painguhlos ac kahsrwelos in sokwack acn in muhta lalos. Leum El sruokyac olwelah Lal in lotwelos ke masap Lal ac sang kuh nuh selos in oruh orekma Lal.

Doctrine and Covenants[Olweacng ac Wuhlweacng] 42; Mwet Luhlahlfongi, 1:126