Pahyuck Puhkantwen

Ke Joseph Smith el stuhti ke Pwacpuhl ah, el riti ke mwet pahluh oacna Abraham ac Moses suc tuh pahyuck nuh sin muhtwacn puhs liki ma se. Oasr kihsen siyuck puhs lal Joseph. Na el sulaclah in pruhe ac siyuck sin Leum.

Olweacng ac Wuhlweacng 132:1; Mwet Luhlahlfongi, 1:121, 503

Leum el fahk muh pwacyeiyac uh mukul se enenuh in muhtwacn sefanna kiacl. Tuhsruhk kuhtuh pacl uh Leum el sapkihn mukul se in pahyuck sin muhtwacn puhs liki ma se. Tuh pahngpahng pahyuck puhkantwen. Leum el fahk nuh sel Joseph muh mwet Lal uh enenuh in pahyuck puhkantwen fin El sapkihn.

Jacob 2:27–30; Olweacng ac Wuhlweacng 132:34–39; Mwet Luhlahlfongi, 1:121, 290–91, 489–90, 503

Kuhtuh yac tohkoh, Leum el fahk nuh sel Joseph ac kuhtuh Mwet Luhlahlfongi sahyac in orekmakihn pahyuck puhkantwen. Tuh tiacna fihsrwacsr in moulkihn masap se inge.

Mwet Luhlahlfongi, 1:290–91, 444–46

Kafihrmacn oraclah masap se lain pahyuck puhkantwen. Kuhtuh Mwet Luhlahlfongi, weacng mwet kol luhn Alu uh, tuh fihliyucki lun presin.

Mwet Luhlahlfongi, 2:501–4

Ke 1890, Leum el fahk nuh sel Wilford Woodruff, Prestuhn luhn Alu uh, muh mukul uh fah tiac sifilpac pahyuck sin muhtwacn puhs liki ma se. Mwet kol luhn Alu uh tuh akacsruhi ke masap se inge nuh sin Mwet Luhlahlfongi ac. Srackna pa inge masap luhn Leum misenge—mukul se enenuh in pahyuck sin muhtwacn sefanna.

Official Declaration 1; Mwet Luhlahlfongi, 2:598–601, 607–9