Hawn’s Mill

Lokoalok se ac ma usrnguck se

Willard Smith el tuh yac 11 matwac. Sucu lal ah muhta fin acn Hawn’s Mill, Missouri, wi Mwet Luhlahlfongi sahyac. Eltahl kena tuhkweni yurin Mwet Luhlahlfongi ke Far West ke pacl sa.

Olweacng ac Wuhlweacng 115:7–8; Mwet Luhlahlfongi, 1:347–48

Mwet uh tuhkuh in lokoalok nuh sin Mwet Luhlahlfongi inge fin acn Hawn’s Mill.

Sie lwen ah, Willard el wi pahpah tuhmwacl ac tamuhlwel wiacl ah, Sardius ac Alma. Kihtin pacl ah, eltahl lohng puhsrwen likacsihk ac wowo. Mwet uh tuhkuh in lokoalok nuh sin Mwet Luhlahlfongi inge.

Mwet Luhlahlfongi, 1:348–49

Mwet Luhlaahlfongi inge wihklac liki mwet lokoalok inge fin acn Hawn’s Mill.

Mwet nuhkwewa kahsruhsr in suk acn sef. Puhs mukul ac tuhlihk wihklac ke blacksmith stoh. Pahpah tuhmwacl Willard ah oacyacpac utyak nuh loac, tuhsruhk Willard el srwenglah luhkwelos. El wihklac tukihn yol in sahk se. El lohng puhsrwen likacsihk raunwellah.

Mwet Luhlahlfongi, 1:349, 353

Willard el kahsruhsr acn nuhke acn in wihklac, Sahflah, puhsrwen likacsihk ac tui. Mwet lokoalok ah som liki Hawn’s Mill.

Mwet Luhlahlfongi, 1:353

Willard el tuhkuh nuhke blacksmith stoh in suk sucu lal ah. Pahpah tuhmwacl ah ac Sardius tuh acnwucki. Tuhsruhk tamuhlwel srihsrihk se wiacl ah Alma el srackna moul.

Mwet Luhlahlfongi, 1:353

Willard el usacl Alma tamuhlwel se wiacl ah.

Likacsihki fohnohl Alma. El ngal na pwacye. Willard el srakluhlwack Alma ac usacl nuhke lohm nuknuk se luhn sucu lal ah.

Mwet Luhlahlfongi, 1:353–54

Amanda Smith el pruhe kacl Alma mukul se nahtuhl ah.

Ninac kiacl Willard ah, Amanda, tiac etuh lah elac kahsruh fuhkah fohnohl Alma. Tuhsruhk el etuh lah God el etuh. El pruhe, ac el lohng puhsra se fahk nuh sel ma el enenuh in oruh.

Mwet Luhlahlfongi, 1:354

Amanda el oul kihnet kacl Alma ah ke apact. Na el tokwack kuhtuh okah in sahk ac fihliac ke kihnet kacl ah. El puhnlah fohnohl ke nuknuk. “An oacna ngacn, ac tiac mukuikui,” el fahk, “ac Leum el fah oraclah sie fohnoh sasuc ah lom.”

Mwet Luhlahlfongi, 1:354–55

Tohkoh, kafuhnah se fin acn Missouri fahk lah Mwet Luhlahlfongi eltahl enenuh in som liki stet sac kuh eltahl ac acnwucki. Tuhsruhk fohnohl Alma sonna wolac. Amanda el pruhe ac siyuck sin Leum ke kahsruh, Puhsra se fahk nuh sel muh Jisus elac fah tiacna som liki sucu lal ah. Amanda el puhla muh wacngihn ma kuh in ahkngalyacl.

Olweacng ac Wuhlweacng 88:83; Mwet Luhlahlfongi, 1:372, 378–79

Tiac pact tukihn el pruhe ah, Amanda el lohng puhsrwen tuhlihk nahtuhl ah wowo. El kahsruhsr in sokoltahl, ac ke el oruh, Alma el kahsruhsr raun. “Nga kwelac, Nac, Nga kwelac!” el fahk. Fohnohl mahlah! Ma usrnguck se sin Leum. Amanda ac tuhlihk nahtuhl ah som liki acn Missouri in suk sie acn sef yurin Mwet Luhlahlfongi nuhkwewa.

Mwet Luhlahlfongi, 1:379