Muhsahi Nauvoo

Leum el fahk nuh sin Mwet Luhlahlfongi in tuhkweni nuh sie ke acn sasuc se. An sisken infacl luhlahp soko pahngpahng Mississipi. Acn sac sroksrok ac fuhrahrrahr. Nuh sin kuhtuh mwet ah, tiacna acn wowo se in muhsahi sie siti we. Tuhsruhktuh Joseph Smith el etuh lah ke kahsruh luhn Leum, eltahl kuh in oraclah kahtoi.

Doctrine and Covenants124:25; Mwet Luhlahlfongi, 1:417

Mwet Luhlahlfongi elos orekma upac in oraclah acn wowo se in muhta we. Mwet Pahluh Joseph Smith el pahngon taun sac Nauvoo, kalmac “sie acn kahto.”

Mwet Luhlahlfongi, 1:417

Leum el fahk nuh sin Mwet Luhlahlfongi in muhsahi sie lohm fin acn Nauvoo mwet forfor in tuhkuh ac monglac we. El luhngse Nauvoo in sie acn ma mwet nuhkwewa sukohsohk nuh we.

Doctrine and Covenants124:22–24, 60Mwet Luhlahlfongi, 1:426}

Leum el fahk nuh sel Joseph Smith lah oasr plwacn yohk Lal nuh Nauvoo. El luhngse Mwet Luhlahlfongi Lal in tuhkweni nuh inge elos in muh muhsahi sie tempuhl. El siyuck selos in sang kuhiyaclos orekma in muhsahi lohm Sel. Mwet Luhlahlfongi ac suhlwahklwahk muhtwacwacack orekma.

Doctrine and Covenants124:25–28, 44, 55; Mwet Luhlahlfongi. 1:420–21, 425–27

Leum el luhngse Mwet Luhlahlfongi in muhsahi sie tempuhl mweyen oasr Yohrohl mwe sang wolacna Elac sang nuh selos. Lun tempuhl, elos ac orek wuhlweacng, kuh olwelah sacohk, yurin Leum. Elos fah oacyacpac lutlut ke plwacn in engan luhn Pahpah Inkuhsrao nuh sin tuhlihk nahtuhl nuhkwewa.

Doctrine and Covenants124:29–41; Mwet Luhlahlfongi, 1:453–55

Mwet Luhlahlfongi elos orekma upac in muhsahi tempuhl sac, oacna ke Leum el sapkihn ac. Orek ke pacl na lwoelwes se, tuhsruhk elos rahrahlac nuhke lwen se ma kais sie selos kuh in lotwelah ke olweacng sacohk Leum el oraclah nuh selos ke tempuhl Lal.

Mwet Luhlahlfongi, 1:453–55