Elijah Able

Leum el pahngon mukul se inel pa Elijah Able elan misineri se. Elijah el lotwel Eunice ac Charles Franklin ke wosasuc luhn Jisus Kraist. El sruhmuhn nuh selos ke Puk luhn Mormon ac Mwet Pahluh Joseph Smith. Eunice ac Charles luhlahlfongi ma el lotwelos kac ac luhngse welah Alu uh. Elijah el pacptaiseluhltahllah.

Mwet Luhlahlfongi, 1:316

Elijah el som in akacsruhi ke wosasuc ke siena mura. Sie ekuh ah, mahlwem se tohkoh ah, oasr mwemwe se lal kacl Eunice kawuck se lal. Ke mwemwe sac, wacngihnlac luhlahlfongi lal Eunice muh pwacye Puk luhn Mormon kuh Joseph Smith el mwet pahluh se. Ke Elijah el nguhtwaclihk, el som suwohs in liye lah Eunice el fuhkah.

Doctrine and Covenants[Olweacng ac Wuhlweacng] 75:27; Mwet Luhlahlfongi, 1:315–16

Eunice el lut ke el liacl Elijah motonoac lal ah! Mwemwe lal Elijah ah pwacye; Eunice el tilac luhlahlfongi ke Puk luhn Mormon ac Joseph Smith.

Mwet Luhlahlfongi, 1:317

Elijah el siyuck sel Eunice elan tuhkuh lohng ke el luti lohm lutlut ac. Ke el lohng kahs lal Elijah ah, el sifil puhla Nguhn Muhtahl. El etuh lah wosasuc pwacye!

Mwet Luhlahlfongi, 1:317

Elijah el olwelah nuh sel Eunice lah elac fohlohk tukun wik luo in sifil luti. Tuhsruhk oasr mwet ke mura sac tiac luhngse elan sifil fohlohk. Tukun Elijah el som ah, elos muhtacwacack fahk nuh sin mwet nuhkewa lah Elijah el tuh uniyac mwet. Elos sang opi nuh sin oacna sie mwet ma konwaclwack.

Mwet Luhlahlfongi, 1:318

Eunice el etuh lah mwet ah kikiacp kacl Elijah. Wacngihn mwet el uniyac. El mwet wowo se ac mwet in kuhlwacnsap se luhn God. El etuh lah kikiacp lalos inge tiac kuh in tilokihnilyac Elijah elan sifil fohlohk luti ke mura sac. Eunice el fahk nuh sin mwet ah lah Elijah elac sifil fohlohk. “God elac fah karuhnguhnuhl,” el fahk.

Mwet Luhlahlfongi, 1:318

Elijah el fohlohk. El tuhkuh nuhke lohm lutlut se na ma el luti kac met ah. Nwacnwaclah ke mwet ma kena elan sruokyucki. Elijah el tu ye muhtun u in mwet sac. El fahk muh elos fin luhngse sruokilyac, elos enenuh in oraclah ingena, met liki el muhtacwacack luti. Fin tiac, elos in lwelah elan luti.

Mwet Luhlahlfongi, 1:318

Wacngihn mwet mukwilac. Elijah el tuhpan, uh u in mwet sac mihsi. Elijah el onkihn on in alu soko, pruhelac, ac luti ke wosasuc luhn Jisus Kraist. Kuh luhn God oasr in el. Tukun sahflah luti lal, el sramsram nuh sin kawuck lal Eunice ac Charles ac tahfwelah misin lal ke mihs.

Mwet Luhlahlfongi, 1:319