“Mwemwe lal Desideria,” Sramsram ke Olweacng ac Wuhlweacng (2024)
“Mwemwe lal Desideria,” Sramsram ke Olweacng ac Wuhlweacng
1880–1886
Mwemwe lal Desideria
Kolyuck sin Leum fin acn Mexico
Desideria Yáñez el muhta Nopala, Mexico. Sie fong ah, Desideria el mwemwei sie puk srihsrihk oreklac Mexico City. Pahngpahng Voz de amonestación, kuh Puhsrwen Mwe Sensen. Ke Desideria el tuhkahkwek, el etuh lah el enenuh in sokwack puk sac.
Mwet Luhlahlfongi, 2:477
Tuhsruhk Mexico City el arlacna lwoeslac, ac Desideria el arlac mahtohoh in oruh kain fahsr lwoeslac sac. El puhla muh Leum el kena elan sokwack puk sac. Na el fahk nuh sin mukul se nahtuhl ah, Jose, ke mwemwe sac. El luhlahlfongi pac muh puk sac yohk srihpac. El fahk nuh sin nninac kiacl ah muh elac sokwack nahtuhl.
Mwet Luhlahlfongi, 2:478
Ke José el ai Mexico City ac, inkacnek ah nwacnwaclah, wohwohn, ac sesseslah ke mwet. Elac sokwack fuhkah puk sac ke sie acn iktoklac ke mwet?
Mwet Luhlahlfongi, 2:478
Tukun lwen ekahsr tohkoh, José el ohsun nuh sin misineri se pahngpahng James Stewart. James el fahk lah el oruh orekma se in priniyac puk se pahngpahng Voz de amonestación.
Mwet Luhlahlfongi, 2:478
José el arulacna raharahlac! El fahk nuh sel James ke mwemwe se luhn ninac kiacl ah. James el fahk lah misineri ac orekmakihn Voz de amonestación in luti mwet ke Jisus Kraist ac sie puk in ma suhmuhslah sasuc, pa Puk luhn Mormon.
Mwet Luhlahlfongi, 2:478
Voz de amonestación sonna sahflah, ac Puk luhn Mormon sonna lwenglah nuhke Spanish. Tuhsruhk James el sang puk sahyac nuh sel José ac pwepuh in kahsrwel ac ninac kiacl ah in lutlut ke Jisus Kraist, ac ke Alu fohlohkihnyuckyak.
Olweacng ac Wuhlweacng 90:11; Mwet Luhlahlfongi, 2:478–79
José el suhlwahklwahk fohlohk nuh lohm ah nuh yurin ninac kiacl ah. Eltahl tuhkweni lutlut ke wosasuc, ac eltahl etuh lah pwacye. Desideria el siyuck misineri ac in tuhkuh pacptaisellah.
Mwet Luhlahlfongi, 2:479
Desideria pa sie sin muhtwacn ma pacptaislac emet fin acn Mexico. José ac muhtwacn se nahtuhl ah tuh pacptaislac pac.
Mwet Luhlahlfongi, 2:479
Ke Voz de amonestación tuh sahflah, José el eis kapi 10 nahtuhl ac ninac in akacsruhi nuh sin mwet sahyac fin acn Nopala. Kuhtuh yac tohkoh, ke Puk luhn Mormon priniyucki tari ke Spanish, Desideria pa mwet se emet fin acn Mexico in eis kapi se. El etuh lah Leum el kohlohl nuhke Alu fohlohkihnyuckyak Lal.
Olweacng ac Wuhlweacng 88:81, Mwet Luhlahlfongi, 2:479