“Kahs in Lahlmwetmwet,” Sramsram ke Doctrine and Covenants[Olweacng ac Wuhlweacng] (2024)
“Kahs in Lahlmwetmwet,” Sramsram ke Doctrine and Covenants[Olweacng ac Wuhlweacng]
Fepweri 1833
Kahs in Lahlmwetmwet
Masap luhn Leum ke ahkkweye luhn mahno
Joseph Smith el suli mukul ekahsr ke Alu uh in weluhl ke miting se ke tek se lucng ke stoh lal Newel ac Ann ah. Ingoh elos lotwelah ke wosasuc ac ma sahyac, ac elos pruhe ekihn u se. Elos pahngon miting se inge Lutlut luhn Mwet Pahluh.
Doctrine and Covenants[Olweacng ac Wuhlweacn] 88:117–137; Mwet Luhlahlfongi, 1:166
Puhs sin mukul ac sismohk ac ju ke lutlut sac. Sismohk inge oruh lohsr, ac mwe sismohk ah oruh kutkut infohk ah. Tukun miting sac, Emma Smith el utyak nuh lucng in ahknwacsnwacsye rum sac. Fohkfohk na upac!
Mwet Luhlahlfongi, 1:167
Emma el puhrasi na puhrasi infohk ah, tuhsruhk ma sremlah ke mwe sismohk ah koflah in iyucklac. El sramsram nuh sel Joseph ke elyah se inge.
Mwet Luhlahlfongi, 1:167
Joseph el lohnguhl Emma. Lohnguhl oruh el motko lah meac Leum elac nuhnkuh ke mwe sismohk uh.
Mwet Luhlahlfongi, 1:167
Oruh Joseph el siyuck sin Leum ke mwe sismohk uh. Leum El fahk nuh sel Joseph muh oasr Kahs in Lahlmwetmwet nuh sin Mwet Luhlahlfongi inge.
Doctrine and Covenants[Olweacng ac Wuhlweacng] 89:1–9; Mwet Luhlahlfongi, 1:167
Leum El fahk muh Mwet Luhlahlfongi in tiac sismohk, orekmakihn mwe sismohk, kuh nihm mwe sruhi kuh “mwe nihm fol,” kalmac pa kohfi ac ti.
Doctrine and Covenants[Olweacng ac Wuhlweacng] 89:1–9; Mwet Luhlahlfongi, 1:167
Leum El oacyacpac luti Mwet Luhlahlfongi lah krein ac fukun sahk wo ke mongo uh. El oacyacpac fahk lah elos kuh in mongo ikwoac kuhtuh pacl uh.
Doctrine and Covenants[Olweacng ac Wuhlweacng] 89:10–17; Mwet Luhlahlfongi, 1:168
Leum El fahk nuh sel Joseph lah Mwet Luhlahlfongi ma sulaclah in ahkos Kahs in Lahlmwetmwet e fah karihngihnyuck. Leum El olwelah in ahkinsewowoyaclos ke fokoko luhn mahno, lahlmwetmwet, ac kuh. Joseph el fahk nuh sin mukul ma tuhkuh nuh ke Lutlut luhn Mwet Pahluh ke Kahs in Lahlmwetmwet luhn Leum.
Doctrine and Covenants[Olweacng ac Wuhlweacng] 89:18–21; Mwet Luhlahlfongi, 1:168
Mukul lin rum sac tohllah mwe sismohk ac paip nahtuhlos nuh ke e in fahkwack lah elos luhngse ahkos Kahs in Lahlmwetmwet luhn Leum.
Mwet Luhlahlfongi, 1:168