Newel ac Ann Whitney Ohsun nuh sin Mwet Pahluh Joseph

Oasr stoh se lal Ann ac Newel Whitney fin acn Kirtland, Ohio. Ann el tena mahtuhlah fahsr wi alu kuh lutlut kacl Leum, tuhsruhk el luhngse lutlut Kacl. Tukun el ac Newel macruhtlac, elos pruhe pacl puhs ac siyuck Leum elan kohlohtahl.

Mwet Luhlahlfongi, 1:111–12

Sie fong ah ke elos pruhe, Ann ac Newel liye mwemwe se. Ke mwemwe sac, puhkuhnyeng se tuhwi fin lohm selos. Nguhn luhn God nwackuhloslac. Puhkuhnyeng sac raunweloslac. Na elos lohng puhsra se inkuhsrao. Fahk nuh selos, “Ahkolah in eis kahs luhn Leum, tuh pa tuhkuh ingoh.”

Mwet Luhlahlfongi, 1:111

Tukun pacl se, Parley Pratt el tuhkuh nuh Kirtland. El ac mwet se weluhl ah luti ke wosasuc luhn Jisus Kraist. Ke pacl se na Ann el lohng ma elos luti inge, el etuh lah pwacye. El som nuh lohm sel ah fahk nuh sel Newel. Tiac paht elos pacptaislac.

Mwet Luhlahlfongi, 1:112

Mahlwem luo tohkoh, mukul se ac muhtwacn se tuhkuh nuh ke stoh lal Newel ma ah. Newel el tiac etaclos, tuhsruhk mukul sac usrukyac pahol Newel ac pahnglol Newel ke inel. Mukul sac fahk, “Nga pa mwet pahluh Joseph.” El ahkuhtweyac lah Leum El topuk pruhe lal Newel ah. El suhpaclma Emma ac Joseph in ohsun nuh sel Ann ac Newel.

mwet Luhlahlfongi, 1:113

Newel ac Ann etuh lah mwemwe se lalos ah oreklac pwacye. Elos siyuck Joseph ac Emma in weluhlos muhta lohm selos ah. Ann ac Newel luhngse Jisus ac wosasuc Lal. Elos sang kewa ma oasr yohrohlos nuh sin Mwet Luhlahlfongi ac nuh ke Alu luhn Mwet Lahngo.

Doctrine and Covenants[Olweacng ac Wuhlweacng] 38:23–27, 34–42; Mwet Luhlahlfongi, 1:114