Rilif Sosaiti

Muhtwacn fin acn Nauvoo kuhlwacnsuhpuh Leum

Margaret Cook ac Sarah Kimball sramsram ke tempuhl sasuc se muhsahiyuck fin acn Nauvoo.

Margaret Cook el muhta fin acn Nauvoo. El orekma lal Sarah Kimball, kahsrwel ke tuhta. Ke el orekma, eltahl luhngse sramsram ke tempuhl sasuc se muhsahiyuck fin acn Nauvoo ac. Eltahl arulacna rahrahlac ke tempuhl sac.

Mwet Luhlahlfongi, 1:447

Margaret el lohacng tuh mwet orekma ke tempuhl ah nukum nuknuk mah.

Sie lwen ah, Margaret el lohacng tuh puhs sin mwet muhsahi tempuhl ah nukum nuknuk mah ac mihsacsac. El motko lah fuhkah el ac Sarah kuh in tuhkweni orekma in twacni wes sasuc luhn mukul inge. Sarah el luhngse nuhnak sac. El ac Margaret sramsram nuh sin kuhtuh pac muhtwacn sahyac in oraclah sie u ac in kahsruh mwet orekma ah.

Mwet Luhlahlfongi, 1:447–48

Joseph Smith el ohsun nuh sel Margaret, Sarah, ac kuhtuh sahyac in akiac Rilif Sosaiti luhn Alu uh.

Mwet Pahluh Joseph el fahk lah Leum el engan ke nuhnak lalos ah, ac oasr Yohrohl ma wo likina nuh seltahl. Joseph el suli muhtwacn ah in toeni nuh yohrohl ke Mahs 17, 1842. Orekmakihn wal luhn pristut, el akiac muhtwacn luhn Alu uh. Elos otwelah in pahngon uh se laltahl inge Muhtwacn ke Rilif Sosaiti ke Nauvoo.

Mwet Luhlahlfongi, 1:448, 450–51}

Margaret el sramsram nuh sin muhtwacn luo.

Joseph el siyuck sin Rilif Sosaiti in kahsruh mwet uh in ahkolah nuhke mwe insewowo luhn tempuhl ac moul ma pahtpaht. Elos enenuh in mwe srihkasrak in fahsr tukihn Jisus Kraist.

Mwet Luhlahlfongi, 1:451

Mempucr luhn Rilif Sosaiti use mongo nuh yurin sie sucu enenuh kahsruh.

Joseph el oacyacpac fahk lah Rilif Sosaiti enenuh in konwacack mwet ma suhkahsruhp ac kahsrwelos. Finne muhtwacn ma suhkahsruhp luhngse kahsrwelos suc enenuh.

Mwet Luhlahlfong, 1:449

Rilif Sosaiti tuh Akwucki. Emma Smith el tuh pahng nuhke prestuhn. El pahngon mwet kahsruh luo, Sarah Cleveland ac Ann Whitney. El oacyacpac pahngon mwet sihm se, Eliza R. Snow

Mwet Luhlahlfongi, 1:450

Leum el kahsrwel Emma in akfalye kunohkohn lal. Emma el luti muhtwacn ah muh eltahl kuh in oruh ma yohk ke eltahl kuhlwacnsuhpuh Leum. El kena kais sie selos in suk inkacnek in oruh ma wo. Yohk liki nuhkwewa, el fahk nuh seltahl, in luhngse mwet sahyac oacna Jisus el oruh. Puhs muhtwacn fin acn Nauvoo welah Rilif Sosaiti.

Doctrine and Covenants 25:3, 7; Mwet Luhlahlfongi, 1:451

Sie petsac ahkuhtweyac fuhkah muhtwacn ke Alu uh kahsrwelah mwet puhs raunwelah facluh.

Eltahl kahsruh mwet in ahkolah nuhke mwe insewowo ke tempuhl ac kahsruh sucu pucspucs suc enenuh kahsruh fin acn Nauvoo. Ne ingena, muhtwacn yen nuhkwewa fin facluh welah Rilif Sosaiti. Elos tiac tui in kuhlwacnsuhpuh mwet ac kahsrwelos in eis mwe insewowo ke tempuhl.

Mwet Luhlahlfong, 1:451