Som Liki Nauvoo ac Som Nuh Rohtoh

Joseph Smith el misac. Ingena Brigham Young ac Mwet Sap sahyac kol Alu ac. Brigham el etuh lah Mwet Luhlahlfongi ac tilac sef fin acn Nauvoo. Eltahl enenuh in tuyak som. Tuhsruhk ma se met, Leum el kena eltahl in ahksahfyelah muhsah ke tempuhl ah. El kena eltahl in orek wuhlwelah Yohrohl ac in siliyucki ekihn sucu.

Mwet Luhlahlfongi, 1:571, 579–80

Tukihn maahlwem ekahsr tohkoh, tempuhl ah ahkolah nuh sin mwet uh in orek wuhlweacng we. Tausin Mwet Luhlahlfongi tuhkuh nuhke tempuhl. Brigham el muhta pahtlac ke fong uh lun tempuhl in kahsrelos in oraclah wuhlweacng yurin Leum. Sahflahiyac, Brigham el fahk nuh sin mwet nuhkwewa lah eltahl enenuh in som liki acn Nauvoo.

Mwet Luhlahlfongi, 1:582

Ke Brigham el tuhkahkwek ke lotu tok ah, kuhtuh pac Mwet Luhlahlfongi sano ke tempuhl ah. Brigham el fahk nuh seltahl muh tiac sef in muhta Nauvoo. Eltahl enenuh in sokwack sie acn in muhta sasuc ah Rohtoh. El olwelah muh eltahl ac muhsahelah sie tempuhl sasuc ah ke eltahl sun acn we.

Mwet Luhlahlfongi, 1:582–83; 2:13–14

Tuhsruhk Mwet Luhlahlfongi ac tiacna som. Eltahl ke orek wuhlweacng yurin Leum met liki eltahl muhtwacwacack fuhfahsryucsr lalos nuhke sie acn sasuc.

Mwet Luhlahlfongi, 1:583

Brigham el liye muhtahlos ac ekuhllah nuhnak lal ah. El sislah len fohn se ac lwen tok ah kahsruh Mwet Luhlahlfongi orek Wuhlweacng lun tempuhl.

Mwet Luhlahlfongi, 1:583

Ingena ke Mwet Luhlahlfongi elos oraclah wuhlweacng lalos yurin Leum, pacl in som liki acn Nauvoo. Brigham el etuh lah oasr acn se Leum el ahkolah nuh selos. El tuh liye ke aruhruhma se. Eltahl muhtwacwacack fuhfahsryucsr lalos ah. Puhlan pacl sac ohu, ac infohk uh fuhrarrar. Mwet uh masack. Mongo nwacltahl ah apkuhran in lihsr.

Mwet Luhlahlfongi, 2:16–18, 20–21

Loeslac acn Mwet Luhlahlfongi inge ac som nuh we. Brigham el motko lah eltahl ac oraclah fuhkah fahsr loeles ac upac se inge. El pruhe nuh sin God ke kahsruh.

Mwet Luhlahlfongi, 2:46

Leum el sang nuh sel Brigham sie fwackyuck. El lotwel Brigham lah elac kol Mwet Luhlahlfongi inge fuhkah. El fahk muh elos in kahsruh sie sin sie karihgnihn el suc suhkahsruhp.

Olweacng ac Wuhlweacng 136:1–8

Leum el fahk muh Mwet Luhlahlfongi ac in esam wuhlweacng eltahl oraclah Yohrohl ah. Eltahl fin oruh, El fah ahkinsewowoyacltahl ac kahsrweltahl ke fuhfahsryucsr lalos.

Olweacng ac Wuhlweacng 136:4, 11, 42; Saints, 2:47

Fuhfahsryucsr sac srackna upac. Kuhtuh mwet uh misac. Tuhsruhk ke srihpen wuhlweacng ke tempuhl lalos ah, Mwet Luhlahlfongi ac etuh lah eltahl ac sifilpac liye mwet in sucu laltahl ah.

Kuhtuh mahlwem tohkoh, Mwet Luhlahlfongi emet sun Infahlfahl Salt Lake ke 1847. Ke Brigham Young el liye Infahlfahl sac, el fahk, “Pa inge acn na pwacye sac.” Acn se pacna el tuh liye ke aruhruhma sac. Pa inge acn se ma Mwet Luhlahlfongi ac sef we uh. Inge eltahl kuh in alu nuh sin Leum ac oruh orekma Lal ke mislac.

Mwet Luhlahlfongi, 2:17, 64–67

Yac puhs tok, puhkantwen Mwet Luhlahlfongi sifilpac tuhkuh. Eltahl muhsahelah tempuhl puhkantwen, ma mwet uh kuh in orek wuhlweacng yurin Leum. Eltahl suhpwaclihk misineri nuh fin facluh nohfohn in luti ke wosasuc luhn Jisus Kraist. Alu luhn Mwet Lahngo sikalweni in kap, ahkinsewowoye tuhlihk nuhtin Pahpah Inkuhsrao yen nuhkwewa.