“Sucu Knight ac Mwet Sahyac Tuhkweni ,” Sramsram ke Doctrine and Covenants[Olweacng ac Wuhlweacng] (2024)
“Sucu Knight ac Mwet Sahyac Tuhkweni ,” Sramsram ke Doctrine and Covenants[Olweacng ac Wuhlweacng]
Tisacmpuh 1830–Ohkohs 1831
Sucu Knight ac Mwet Sahyac Tuhkweni nuh Zion
Ahkos pahng luhn Leum
Polly ac Joseph Knight wi sucu lalos muhta fin acn New York. Elos arulacna etwacl Mwet Pahluh Joseph Smith. Tukun lotwelah ke wosasuc, elos sulaclah in welah Alu uh. Ke Leum El siyuck Mwet Luhlahlfongi in som nuh Ohio, sucu Knights ahkos.
Doctrine and Covenants[Olweacng ac Wuhlweacng] 37; Saints, 1:33, 94, 109–110
Sucu Knights elos engan ke elos ai fin acn Ohio. Leman Copley, mempucr se ke Alu uh, fahk muh kuhtuh Mwet Luhlahlfongi inge kuh in muhta ke acn lal ah. Puhs acn in yok ac muhsah lohm. Joseph Knight ac wen nahtuhl orekma upac ke imac ah in ahkolah pacl in yok.
Mwet Luhlahlfongi, 1:126–27
Tuhsruhk sie lwen ah, Leman el ekuhllah nuhnak lal ah ke acn lal inge. El tiac luhngse Mwet Luhlahlfongi inge in muhta we. El fahk nuh sin sucu Knight ah ac mwet nuhkwewa sahyac ah in tuyak som.
Mwet Luhlahlfongi, 1:127
Mwet Luhlahlfongi elos fosrngah. Wacngihn acn elos e muhta kac ingena. Elos siyuck sel Mwet Pahluh Joseph Smith lah meac elos e oruh uh.
Doctrine and Covenants[Olweacng ac Wuhlweacng] 54; Mwet Luhlahlfongi, 1:127
Leum El fahk muh Mwet Luhlahlfongi inge in som nuh Missouri ac muhsahelah Zion. Zion e fah acn se ma mwet luhn Leum e tuhkeni we. Fin acn Zion, elos e muhsahelah tempuhl suc elos fah oruh wuhlweacng, kuh olwelah nuh sin God. Elac ahkinsewowoyaclos elos fin ahkos wuhlweacng inge. Sucu Knight elos engan pac in wi som.
Doctrine and Covenants [Olweacng ac Wuhlweacng]29:1–8; 42:30–36; 45:59–66; 54:6–9; 57:1–2; Mwet Luhlahlfongi, 1:128
Ke sucu Knight inge oruh fahsr se nuh Missouri ah, Polly el maswack na upac. Mukul tuhmacl, Joseph, ac wen nahtuhl elyah muh elac tiac moul paht. Tuhsruhk Polly el fahk nuh sin sucu lal ah lah el luhngse som ne Zion met liki el misac. El luhngse liki na ma nuhkwewa!
Mwet Luhlahlfongi, 1:128
Tukun fahsr loeloes sac, sucu Knights ai fin acn Missouri. Polly el sang kuloh nuh sin God lah el kuh in moul liye. Sucu Knight nuhnkuh muh acn sac kahto. Oasr luhlahlfongi in elos muh elos kuh in ahkos masap luhn Leum muhsahi Zion we.
Mwet Luhlahlfongi, 1:132
Mwet Luhlahlfongi oraclah pruhe wolacna se ac pahngon acn sac Zion, ma mwet luhn Leum e fah tuhkuh nuh kac. Mwet Pahluh Joseph Smith el fihliyac yot se in mahkiyac acn se ma sroacsrihk ke tempuhl e an kac uh. Lwen ekahsr tohkoh, Polly el misac. Leum El olwelah muh Mwet Luhlahlfongi ma tuhkuh nuh Zion ac misac e fah som nuh inkuhsrao.
{Doctrine and Covenant[Olweacng ac Wuhlweacng] 59:1–2; Mwet Luhlahlfongis, 1:132–33