Sucu Yanagida

Toshiko ac Tokichi Yanagida muhta fin acn Japan. Eltahl luhlahlfongi ke Jisus Kraist ac tuh weacng Alu Lal. Tuhsruhk moul fin acn Japan tuh upac ke pacl sac. Mweun se tuh kuhnahoslah lohm ac muhsah pucspucs. Toshiko ac Tokichi kena muhsahelah sie lohm ah sin sucu laltahl ah, tuhsruhk eltahl arulacna suhkahsruhp.

Mwet Luhlahlfongi, 3:543

Sucu Yanagida etuh lah Leum el kena elos in moli sie tahfuh singucul, tuhsruhk elos tiac arlac etuh lah eltahl kuh. Toshiko el siyuck sin misineri se lah meac eltahl enenuh in oruh, “Sie Tahfuh Singucul arulacna upac nuh sesr,” el fahk. Misineri sac olwelah muh eltahl fin moli sie tahfuh singucul laltahl, Leum el fah kahsrwelos in sun finsrak lalos ke sie lohm selos sifacna.

Olweacng ac Wuhlweacng 119; Mwet Luhlahlfongi, 3:543–44

Toshiko ac Tokichi tiac arlac etuh na pwacye. Tiacna arlac oasr money yohrohltahl in moli mongo nwacn tuhlihk mukul se nahtuhltahl ke lutlut ac. Tuhsruhk eltahl sulaclah in luhlahlfongi ke Leum ac moli sie tahfuh singucul.

Mwet Luhlahlfongi, 3:543–44

Leum el ahkinsewowoye Sucu Yanagida. Tiac paht elos tuh kuh in molwelah acn se ac muhtwacwacack muhsahi lohm se selos.

Mwet Luhlahlfongi, 3:544

Sie lwen ah inspacktihr se tuhkuh. El fahk lah oasr ma tiac wo ke acn sac, ac eltahl tiac kuh in muhsah lohm insac. El fahk nuh sin mwet orekma ah in tui.

Mwet Luhlahlfongi, 3:544

Sucu Yanagida tuh arulacna suhpwacrlac. Eltahl fahk nuh sin misineri lah meac sikyak ah. Misineri ac fahk muh eltahl ac lalo ac pruhe wi sucu Yanagida.

Mwet Luhlahlfongi, 3:545

Tok kuhtuh, sie pac inspacktihr tuhkuh. El fahk muh ma tiac wo ke acn laltahl ah kuh in ahkwoyeyucklac. Sucu Yanagida kuh in muhsahi lohm selos ah. “Mwet luo komtacl an sahp oruh ma wowo se,” inspacktihr sac fahk nuh sel Toshiko ac Tokichi. Elos etuh lah Leum el ahkinsewowoyaclos. Eltahl engan lah eltahl Luhlahlfongwel ac moli sie tahfuh singucul.

Mwet Luhlahlfongi, 3:545