Lucy Morley ac Sucu Lal

Puhs luhlahlfongi ac pacptaislac

Lucy Morley el suli misineri tolu nuh in lohm sel Abigail Daniels ah.

Sie lwen ah, yac singucul limekohsr Lucy Morley tuh kahsruh mwet tuhlan lal ah, Abigail Daniels, otwot nuknuk. Ke eltahl orekma ah, oasr tongtong se ke sruhnguhl ah. Eltahl misineri tolu. Abigail el solwacltahl in utyak. Eltahl fahk muh Jisus Kraist el suhpwacltahl in akacsruhi ke sie pweng.

Mwet Luhlahlfongi, 1:102–3

Misineri ac lotwel Lucy ac Abigail ke Puk luhn Mormon.

Mukul ac fahk nuh sel Abigail ac Lucy muh Jisus el pahnglol Joseph Smith in sie mwet pahluh. Eltahl oacyacpac fahk nuh seltahl ke Puk luhn Mormon.

Mwet Luhlahlfongi, 1:103

Abigail el oruh misineri ac som liki lohm sel ah.

Mwe lut nuh sel Lucy, Abigail el eklac kasrkuhsrak. El oruh misineri ac som liki lohm sel ah.

Mwet Luhlahlfongi, 1:103

Lucy el siyuck misineri ac in muhtwacta nuh yurin sucu lal ah.

Lucy el etuh lah misineri inge mwet kuhlwacnsap luhn God. El fahk nuh seltahl in muhtwacta nuh yurin sucu lal ah tiacna loes. “Pahpah tuhmuhk ah muhta mael se nuh nge,“ el fahk. “Som nuh we ac kom fah kihteyucki ac karihnginyuckyang,“

Mwet Luhlahlfongi, 1:103–4

Misineri ac akacsruhi ke mongo yohrohl Lucy ac sucu lal ah.

Pwacye sel Lucy. Misineri ac mongoi wo ke acn in imac luhn sucu Morley. Pahpah ninac kiacl Lucy ah kawuck lal Sidney Rigdon. Eltahl luhlahlfongi muh Jisus el luhngse eltahl in akacsruhi ke ma nuhkwewa laltahl nuh sin mwet sahyac. Eltahl suli misineri ac in lotweltahl ac kawuck laltahl ah.

Mwet Luhlahlfongi, 1:104

Lucy, Abigail ac kuhtuh pac sahyac pacptaislac.

Fong sac, apkuhran in infulwen fong, mwet 17 pacptaislac. Ke lwen suhpuhs tohkoh, mwet 50 tuhkuh nuh ke imac luhn Morley in lohng sin misineri, ac eltahl siyuck eltahl in pacptaislac. Finne kawuck se lal Lucy Abigail Daniels el ekuhllah nuhnak lal ke misineri ac. El ac mukul tuhmwacl ah otwelah in weacng Alu uh.

Mwet Luhlahlfongi, 1:105; Olweacng ac Wuhlweacng 20:25, 37