Aluiyucklac Tempuhl Kirtland

Tukun orekma upac ke yac tolu, Tempuhl Kirtland sahflah. Mwet Pahluh Joseph Smith el suli Mwet Luhlahlfongi nuh ke toeni yohk srihpac se in kihsackuhnlah tempuhl. El oruh pruhe yohk srihpac se ac sang tempuhl nuh sin Leum. E tuhfah lohm muhtahl se luhn Leum.

Mwet Luhlahlfongi, 1:235

Tang na ke litutacng in lwen in miting sac, sun siofok Mwet Luhlahlfongi toeni in tempuhl. Kwewana siah ah nwacnwaclah, kuhtuh tu sisken acn in utyak ac lihkihnihm, yor ke winto ah. Mwet nuhkewa rahrahlac in liye tempuhl ke e kihsaclah uh.

Mwet Luhlahlfongis, 1:235–36

Joseph el riti pruhe se in kihsackuhlah tempuhl. El fahk nuh sin Leum lah Mwet Luhlahlfongi inge ahkos Leum. El siyuck sin Leum in eis tempuhl oacna lohm Sel.

Doctrine and Covenants[Olweacng ac Wuhlweacng] 109:1–5

Joseph el pruhe tuh elos nuhkwewa ma tuhkuh nuh tempuhl in kuh in puhla kuh luhn Leum ac etuh lah lohm Sel pa inge.

Doctrine and Covenants[Olweacng ac Wuhlweacng] 109:13

Joseph el oacyacpac pruhe tuh Mwet Luhlahlfongi inge fin tahfonglac, elos in kuh in silahklahk auliyak. El siyuck sin Leum in sang nuh selos kuh in akacsruhi wosasuc Lal nuh fin facluh. Tukun pruhe sac, u in mwet on elos onkihn on sasuc soko fahk muh “The Spirit of God.” Mwet uh sesseslah ke engan. Elos tuyak ac kakskakihn Leum.

Doctrine and Covenants[Olweacng ac Wuhlweacng] 109:21–32; Puk in On, nempuh. 2; Mwet Luhlahlfongi, 1:237

Puhslac mwet liye lipufacn lin tempuhl ke lwen sac. Elos liye kahlwem sahromrom tuhkuh lucng me nuhke tempuhl. Kuhtuh selos fahk muh atacn puhkuhnyeng; kuhtuh fahk muh atacn e. Elos nuhkewa puhla muh tempuhl el acn muhtahl se. Pwacyena el inge lohm sin Leum.

Mwet Luhlahlfongi, 1:237